Pika (NSS) - နိုဝင်ဘာ ၅

ရုရှားကြေးစားတပ်ဖွဲ့ Wagner ၏ တပ်ဖွဲ့ဝင်ဟောင်းများသည် ရုရှားလက်နက်ကိုင်တပ်ဖွဲ့များနှင့် တရားဝင်ပူးပေါင်း ခဲ့ပြီး ဒွန်းဘက်စ်ဒေသရှိ တိုက်ပွဲများတွင် ပြန်လည်ပါဝင်တိုက်ခိုက်ရန်အတွက် ယူနစ်တစ်ခုကိုဖွဲ့စည်းခဲ့ကြောင်း အဆိုပါတပ်ဖွဲ့သစ်တပ်မှူးတစ်ဦးက ထုတ်ဖော်ပြောခဲ့သည်။

Kamerton ဟုခေါ်သော တပ်ဖွဲ့စစ်ကို Wagner တပ်ဖွဲ့ ကြေးစားစစ်သားဟောင်းများဖြင့် ဖွဲ့စည်းထားကြောင်း ၎င်းက ပြောကြားခဲ့သည်။ ဒွန်းဘက်စ်ဒေသရှိ စစ်အခြေစိုက်စခန်းများတွင် Wagner ကြေးစားတပ်ဖွဲ့၏ တပ်ဖွဲ့ဝင် များ လေ့ကျင့်မှုများ လုပ်ဆောင်နေသည့် ဗီဒီယိုအွန်လိုင်းတွင် ပျံ့နှံ့ခဲ့ပြီးနောက် ယခုကဲ့သို့ပြောဆိုချက်များ ထွက်ပေါ်လာခြင်းဖြစ်သည်။

တပ်သားသစ်များသည် Wagner ကြေးစားတပ်ဖွဲ့၏တပ်ဖွဲ့ဝင်များအဖြစ် (သို့မဟုတ်) ရုရှားစစ်တပ်၏ တပ်ဖွဲ့ဝင် များအဖြစ် တိုက်ခိုက်သည်ဆိုသည့် ခွဲခြားမှုမျိုးမရှိဘဲ ၎င်းတို့၏အလုပ်ကို အပြီးထိဆက်လက်လုပ်ဆောာင်ရန် ဆုံးဖြတ်ထားကြကြောင်း တပ်ဖွဲ့သစ်တပ်မှူးက ပြောကြားခဲ့သည်၊၊

၎င်းက "ကျွန်တော်တို့ အမိမြေနဲ့ စာချုပ်ချုပ်ဆိုထားပါတယ်။ ရုရှားစစ်တပ်ကလည်း ကျွန်တော်တို့ရဲ့တပ်ဖွဲ့တွေကို ထောက်ခံမှုအပြည့်အဝပေးထားပါတယ်" ဟု ပြောခဲ့သည်။ 

သို့သော်လည်း အဆိုပါတပ်ဖွဲ့သစ်၏ အရေအတွက်ကို လက်ရှိအချိန်အထိ ရှင်းရှင်းလင်းလင်းမသိရှိရသေးကြောင်း သိရသည်။ ထို့အပြင် အဆိုပါတပ်ဖွဲ့သစ်၏ ကုမ္ပဏီအဆင့် နည်းပညာအဖွဲ့များလည်း ပါဝင်ကြောင်း သိရသည်။ Wagner ကြေးစားတပ်ဖွဲ့ဝင်ဟောင်းများပါဝင်သော အဆိုပါတပ်ဖွဲ့သစ်ကို သံချပ်ကာယာဉ်များ၊ အမြောက်များကို လည်းပေးအပ်ထားကြောင်း ရုရှားမီဒီယာများက ဖော်ပြခဲ့သည်။

ထို့အပြင် တပ်ဖွဲ့သစ်သည် Wagner ကြေးစားတပ်ဖွဲ့ဝင်ဟောင်းများအပြင် အခြားစစ်ကူများကိုပါ ရရှိခဲ့ကြောင်း မီဒီယာများက ထပ်မံဖော်ပြခဲ့သည်။