ဂျန်ဇက် (NSS) - အောက်တိုဘာ ၂၂

အစ္စရေး တပ်ဖွဲ့တွေအနေနဲ့ ဂါဇာဒေသကို မြေပြင်ထိုးစစ်ဆင်နွှဲမယ်ဆိုရင် ကြီးမားတဲ့ ပေးဆပ်မှုတွေ တွေ့ကြုံရမှာဖြစ်ကြောင်း ဟစ်ဘိုလာအဖွဲ့ တာဝန်ရှိသူတစ်ဦးကထုတ်ဖော်ပြောဆိုလိုက်ပါတယ်။ 

လက်ဘနွန်အခြေစိုက် ဟစ်ဘိုလာလက်နက်ကိုင်အဖွဲ့အနေနဲ့ ဂါဇာဒေသကိုအစ္စရေးတပ်ဖွဲ့တွေမြေပြင်ထိုးစစ်ဆင်နွှဲမယ်ဆိုရင် စစ်ပွဲထဲ ပါဝင်လာဖွယ်ရှိနေကြောင်း ဟစ်ဘိုလာအဖွဲ့ရဲ့ဒုတိယခေါင်းဆောင်တစ်ဦးဖြစ်တဲ့ Sheikh Naim Kassem ကပြောပါတယ်။ ဟစ်ဘိုလာအဖွဲ့ဟာ လက်ဘနွန်တောင်ပိုင်းကို ဒရုန်းများနဲ့တိုက်ခိုက်ခဲ့သလို ဟစ်ဘိုလာအဖွဲ့ကလည်း အစ္စရေးနိုင်ငံဘက်ခြမ်းကို ဒုံးကျည်တွေနဲ့ ပစ်ခတ်တိုက်ခိုက်ခဲ့ကြောင်းသိရပါတယ်။

ဟစ်ဘိုလာအဖွဲ့ ဒုတိယခေါင်းဆောင်က "ကျွန်တော်တို့ဟာ အစ္စရေးစစ်တပ်ကို အားနည်းအောင်လုပ်ဆောင်သွားမယ်။ အစ္စရေးတပ်ဖွဲ့တွေကို တိုက်ခိုက်ဖို့ အဆင့်သင့်ရှိနေတယ်"လို့ပြောပါတယ်။

အစ္စရေးစစ်တပ် နဲ့ ပါလက်စတိုင်းလက်နက်ကိုင်အဖွဲ့ ဟားမက်စ်တို့ စစ်ပွဲစတင်ခဲ့ပြီးနောက် ပိုင်းကတည်းက ဟစ်ဘိုလာအဖွဲ့ဟာ အစ္စရေးနိုင်ငံဘက်ခြမ်းကိုဒုံးကျည်တွေနဲ့ ပစ်ခတ်ခဲ့ကြောင်းသိရပါတယ်။ အစ္စရေးနဲ့ ပါလက်စတိုင်းကြားဖြစ်ပွားနေတဲ့စစ်ပွဲကာလ သီတင်းပတ်နှစ်ပတ်အတွင်းမှာ အစ္စရေးနိုင်ငံသား ၁၄၀၀ ကျော် သေဆုံးခဲ့ပြီး ပါလက်စတိုင်းလူမျိုး ၄၀၀၀ ကျော်သေဆုံးထားကြောင်းသိရပါတယ်။

ရော့ကဒ်၊ ဒုံးကျည် နဲ့ အခြားတိုက်ခိုက်ရေးဒရုန်းပေါင်းထောင်၊ သောင်းချီ ပိုင်ဆိုင်ထားတဲ့ ဟစ်ဘိုလာအဖွဲ့ဟာ အစ္စရေးနဲ့ ဟားမက်စ်အဖွဲ့ကြားဖြစ်ပွားနေတဲ့စစ်ပွဲမှာ စစ်မျက်နှာအသစ်တစ်ခုထပ်မံဖွင့်လှစ်ဖို့ စီစဉ်နေကြောင်း သတင်းတွေထွက်ပေါ်နေပါတယ်။ အစ္စရေးဟာ လက်ရှိအချိန်မှာ ဂါဇာဒေသကို တိုက်ခိုက်ရမယ့်အစားနိုင်ငံမြောက်ပိုင်းကို ကာကွယ်နိုင်ဖို့ အစ္စရေးတပ်မ သုံးခုကိုနိုင်ငံမြောက်ပိုင်းကိုဖြန့်ကြတ်ချထားကာအခြေနေများကိုစောင့်ကြည့် တုံ့ပြန်နေရကြောင်းသိရပါတယ်။