စော (NSS) - အောက်တိုဘာ ၁၆

မြန်မာနိုင်ငံရဲတပ်ဖွဲ့တွင် တာဝန်ထမ်းဆောင်ရန် ရာထူးနေရာ (၃၀၀)ကျော်ခေါ်ယူနေကြောင်း သိရသည်။

ပြည်ထဲရေးဝန်ကြီးဌာန၊ မြန်မာနိုင်ငံရဲတပ်ဖွဲ့မှ ယနေ့(အောက်တိုဘာလ ၁၆ ရက်)တွင် အထက်ပါကဲ့သို့ အသိပေးထုတ်ပြန်ထားခြင်းဖြစ်သည်။

မြန်မာနိုင်ငံရဲတပ်ဖွဲ့မှ အငယ်တန်းစာရေးရာထူးအတွက် (၃၀၈)ဦးကို ခေါ်ယူခန့်အပ်သွားမည်ဖြစ်ပြီး ဌာနကူးပြောင်းလျှောက်ထားသူများအား လက်ခံမည်မဟုတ်ကြောင်း ထုတ်ပြန်ချက်တွင်ပါရှိသည်။

လျှောက်ထားသူများသည် အောက်တိုဘာလကုန်တွင် အသက်(၁၈)နှစ်ပြည့်ပြီး (၃၀)နှစ်ထက် မကျော်လွန်သူဖြစ်ရန်လိုအပ်ကာ ဘွဲ့ရရှိပြီးသူဖြစ်ရမည်ဖြစ်ကြောင်း သိရသည်။

လျှောက်လွှာများကို တိုင်း/ပြည်နယ်/ခရိုင်/မြို့နယ် ရဲတပ်ဖွဲ့မှူးရုံးများ နှင့် နေပြည်တော်၊ ရုံးအမှတ်(၄၅)၊ မြန်မာနိုင်ငံရဲတပ်ဖွဲ့ဌာနချုပ်သို့ နိုဝင်ဘာလ (၁၇)ရက်နောက်ဆုံးထား၍ လျှောက်ထားနိုင်ကြောင်း သိရသည်။

ထိုပြင် လျှောက်ထားသူများသည် အင်္ဂလိပ်စာနှင့် အထွေထွေဗဟုသုတများကို ရေးဖြေစာမေးပွဲဖြေဆိုရမည်ဖြစ်ပြီး အောင်မြင်သူများကိုသာ လူတွေ့စစ်ဆေးသွားမည်ဖြစ်ကြောင်း သိရသည်။