Pika (NSS) - အောက်တိုဘာ ၁၂

ဂျပန်စစ်တပ်သည် လူသစ်စုဆောင်းရေးများနှင့်ပတ်သက်ပြီး အခက်အခဲများနှင့်ကြုံတွေ့နေရကြောင်း သတင်းများ ၏ ဖော်ပြချက်အရ သိရသည်။

ပြီးခဲ့သည့်ရက်ပိုင်းအတွင်း တိုကျိုမြို့အနီးရှိ ဂျပန်စစ်အခြေစိုက်စခန်းအနီးတွင် လူသစ်စုဆောင်းရေးရန် ရည်ရွယ် သောပွဲတစ်ပွဲပြုလုပ်ခဲ့သော်လည်း လာရောက်လည်ပတ်သူများ မရှိခဲ့ကြောင်း ဂျပန်စစ်တပ် က ပြောကြားခဲ့သည်။

လက်ကမ်းစာစောင်များကို လိုက်ဝေရသည့် တာဝန်ကျစစ်သားနှစ်ဦးထဲမှ တစ်ဦးက "ဒါက အဖြစ်မှန်ပါပဲ။ ဒီပွဲကို ကျင်းပခဲ့ပေမယ့် ဘယ်သူကမှ မလာခဲ့ကြပါဘူး" ဟု ပြောခဲ့သည်။ ဒေသအတွင်းတွင် တရုတ်၏ အင်အားများ ပိုမိုကြီးထွားလာမှုနှင့်အတူ မြောက်ကိုရီးယားနိုင်ငံ၏ ဒုံးကျည်စမ်းသပ်ပစ်လွှတ်မှုများကြောင့် ဂျပန်နိုင်ငံသည် ပြီးခဲ့သည့်နှစ်များအတွင်း ၎င်း၏ ကာကွယ်ရေးအသုံးစရိတ်ကို ပိုမိုတိုးမြှင့်ခဲ့ကြောင်းလည်း သိရသည်။

သို့သော်လည်း တပ်ဖွဲ့ဝင်များ နည်းပါးနေမှုနှင့်အတူ ဂျပန်စစ်တပ်သည် ပိုမိုအားနည်းလာနိုင်သည့် အန္တရာယ်နှင့် ရင်ဆိုင်ရနိုင်ဖွယ်ရှိနေကြောင်း ပြီးခဲ့သည့်ဇူလိုင်လတွင် ထုတ်ပြန်သော ကျွမ်းကျင်ပညာရှင်အဖွဲ့တစ်ဖွဲ့၏ အစီရင်ခံစာတစ်ခုအရ သိရသည်။ ဂျပန်စစ်တပ်တွင်ရှိသော တပ်ဖွဲ့ဝင်အရေအတွက်သည် နှစ်စဉ် အပြောင်းအလဲ များဖြစ်နေသော်လည်း ၁၉၉ဝ ခုနှစ်မှ စတင်ပြီး ဂျပန်စစ်တပ်၏ အင်အားသည် (၇)ရာခိုင်နှုန်းကျော် ကျဆင်းသွား ခဲ့ပြီး တပ်ဖွဲ့ဝင်ရေအတွက်(၂၃ဝဝဝဝ) အောက်သာ ရှိတော့ကြောင်း သိရသည်။

၂ဝ၂၂ ခုနှစ်တွင် ဂျပန်စစ်တပ်သို့ လူ(၄ဝဝဝ) အောက်သာ ပူးပေါင်းပါဝင်ခဲ့ပြီး ခန့်မှန်းထားသည့်အရေအတွက်၏ ထက်ဝက်ကျော်ခန့်သာ ရှိခဲ့ကြောင်းသိရသည်။