NSS - အောက်တိုဘာ ၁

ပဲခူးတိုင်း၊ ရေတာရှည်မြို့နယ်ရှိ မူလတန်းကျောင်းကို PDF အဖွဲ့က လက်လုပ်မိုင်းဖြင့် မိုင်းထောင်ဖောက်ခွဲခဲ့ကြောင်း ရဲတပ်ဖွဲ့က သတင်းထုတ်ပြန်ထားသည်။

အဆိုပါမိုင်းထောင်ဖောက်ခွဲမှုသည် ပြီးခဲ့သော စက်တင်ဘာလ ၂၈ ရက်၊ ညနေ ၄နာရီ ၁၅မိနစ်အချိန်တွင် ရေတာရှည်မြို့နယ်၊ ကျောင်းကုန်းကျေးရွာရှိ အခြေခံပညာမူလတန်းကျောင်းဝန်းအတွင်း၌ ဖြစ်ပွားခဲ့ကြောင်း သိရသည်။

အဆိုပါစာသင်ကျောင်းရှိ ကျောင်းသား၊ ကျောင်းသူများအသုံးပြုသည့် သန့်စင်ခန်းများအနီး အမှိုက်ပုံးအတွင်း၌ PDF အဖွဲ့က ထောင်ထားသည့် လက်လုပ်မိုင်းတစ်လုံး ပေါက်ကွဲမှုဖြစ် ပွားခဲ့ခြင်းဖြစ်ကြောင်း ရဲတပ်ဖွဲ့က ထုတ်ပြန်ထားသည်။

ထိုသို့ လက်လုပ်မိုင်းပေါက်ကွဲခဲ့သော်လည်း ကျောင်းသား၊ ကျောင်းသူများနှင့် စာသင်ကျောင်းဝန်းအတွင်းရှိ အဆောက်အဦးများ ထိခိုက်ပျက်စီးမှုမရှိကြောင်း သိရသည်။

အထက်ပါ မိုင်းထောင်ဖောက်ခွဲမှုဖြစ်စဉ်မှ ပါဝင်ပတ်သက်သူများအား ဖော်ထုတ်ဖမ်းဆီး၍ ဥပဒေနှင့်အညီ အပြစ်ပေးအရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်လုပ် ဆောင်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။