ရောင်နီ (NSS) - အောက်တိုဘာ ၁

          ရောမမြို့ရဲ့ အထင်ကရနေရာဖြစ်တဲ့ Hadrian's Wall နံဘေးမှာ နှစ်ပေါင်း ၂၀၀ နီးပါးကြာထိပေါက်ရောက်ရှင်သန်ခဲ့တဲ့ ရှေးဟောင်း နာမည်ကျော် သစ်ပင်တစ်ပင်ကို တမင်သက် သက်ခုတ်လှဲမှုနဲ့ ဗြိတိန်မြောက်ပိုင်းမှာနေထိုင်တဲ့ အသက် ၁၆ နှစ်အရွယ် ဆယ်ကျော်သက်တစ်ဦး ဖမ်းဆီးခံလိုက်ရပါတယ်။

ရောမအင်ပါယာရဲ့ကမ္ဘာ့အမွေအနှစ်နေရာအဖြစ် ယူနက်စကိုက သတ်မှတ်ထားတဲ့ Hadrian's Wall ဟာ နှစ်စဉ်လာရောက်လည်ပတ်သူ ထောင်ပေါင်းများစွာရှိပြီး Kevin Costner ရဲ့ ၁၉၉၁ ခုနှစ်ထွက် ဇာတ်ကား Robin Hood: Prince Of Thieves မှာ ပါဝင်ခဲ့တဲ့ အချစ်သင်္ကေတ Sycamore Gap ရဲ့ အဆိုပါ သစ်ပင်ကြီးဟာ ဇာတ်ကားနဲ့အတူ နာမည်ကျော်ခဲ့ပြီး လာရောက်သူအများအပြားဟာ ဓာတ်ပုံရိုက်ကြလေ့ ရှိပါတယ်။ 

ကြာသပတေးနေ့(စက်တင်ဘာလ ၂၈ ရက်)မှာ အဆိုပါ ခုတ်လှဲမှု ဖြစ်ခဲ့တာဖြစ်ပြီး အခင်း ဖြစ်ပွားရာနေရာမှဓာတ်ပုံတွေအရ အဆိုပါသစ်ပင်ဟာ ၎င်းရဲ့ပင်စည်ခြေရင်းအနီးမှ ခုတ်လှဲခံခဲ့ရပြီး လဲနေခဲ့တာကို တွေ့ရပါတယ်။ Northumbria ရဲတပ်ဖွဲ့က အဆိုပါအမှုကို ကျူးလွန်ခဲ့တဲ့ ဆယ်ကျော်သက်ကို ရာဇဝတ်မှုဆိုင်ရာ ထိခိုက်မှုဖြစ်စေတယ်ဆိုတဲ့ စွဲချက်နဲ့ ဖမ်းဆီးထားတယ်လို့ သိရပါတယ်။ 

          သူ့ကိုရဲစခန်းမှာ ထိန်းသိမ်းထားပြီး "သစ်ပင်ဟာ ကမ္ဘာကျော် အထင်ကရနေရာတစ်ခုဖြစ်ပြီး ဖျက်ဆီးမှုဟာ ဒေသခံအသိုင်းအဝိုင်းနဲ့ အခြားအနယ်နယ်အရပ်ရပ်မှ ဒါကိုချစ်မြတ်နိုးသူတွေအတွက် တုန်လှုပ်ခြောက်ခြားမှုတွေ ဖြစ်စေခဲ့ပါတယ်”လို့ ရဲတပ်ဖွဲ့က ထုတ်ပြန်ချက်မှာ ဖော်ပြထားပါတယ်။