ဂျန်ဇက် (NSS) - စက်တင်ဘာ ၂၈

အာဏာသိမ်းထားတဲ့ ဘာကီနာဖာဆို စစ်အစိုးရထံကနေ ထပ်မံ အာဏာသိမ်းဖို့ကြိုးပမ်းမှုတစ်ရပ် ပြီးခဲ့တဲ့ရက်ပိုင်းမှာ ထပ်မံဖြစ်ပွားခဲ့ကြောင်း၊ အာဏာသိမ်းဖို့ ကြိုးပမ်းမှုဟာ အောင်မြင်မှုမရခဲ့ကြောင်း  ဘာကီနာဖာဆိုစစ်အစိုးရက ပြောပါတယ်။ 

ဘာကီနာဖာဆိုစစ်အစိုးရက ထောက်လှမ်းရေးအဖွဲ့တွေနဲ့ လုံခြုံရေးတပ်ဖွဲ့တွေဟာ အာဏာသိမ်းဖို့ကြိုးပမ်းသူတွေကို တားဆီးနိုင်ခဲ့ပြီး နိုင်ငံ ကမောက်ကမဖြစ်မယ့်အခြေအနေမျိုးတွေကို တားဆီးနိုင်ခဲ့ကြောင်း ပြောပါတယ်။

ဘာကီနာဖာဆိုစစ်အစိုးရက "စက်တင်ဘာ ၂၇ ရက်က အာဏာသိမ်းဖို့ ကြိုးပမ်းတာမျိုးရှိခဲ့တယ်။ ဒါပေမယ့် လုံခြုံရေးအဖွဲ့တွေနဲ့ ထောက်လှမ်းရေးအဖွဲ့တွေက တားဆီးနိုင်ခဲ့တယ်" လို့ ပြောပါတယ်။ 

ဘာကီနာဖာဆိုစစ်အစိုးရဟာ ၎င်းတို့ထံကနေ အာဏာသိမ်းဖို့ ကြိုးပမ်းမှုတွေအကြောင်း သတင်းထုတ်ပြန်ခဲ့ ပေမယ့် အာဏာသိမ်းဖို့ ကြိုးပမ်းသူများနဲ့ပတ်သက်ပြီး အသေးစိတ်ပြောဆိုခြင်းမျိုး မရှိခဲ့ကြောင်း သိရပါတယ်။ နိုင်ငံတကာမီဒီယာတွေဟာ ဘာကီနာဖာဆိုစစ်တပ်အတွင်း တင်းမာမှုတွေမြင့်တက်လာစေဖို့ ဖော်ပြချက်များ ရှိနေချိန်မှာ စစ်အစိုးရထံကနေ အာဏာထပ်သိမ်းဖို့ ကြိုးပမ်းမှုဖြစ်ပွားခဲ့တာဖြစ်ပါတယ်။ 

ဘာကီနာဖာဆိုစစ်အစိုးရက "လက်ရှိအချိန်မှာ ကျွန်တော်တို့ထံကနေ အာဏာသိမ်းဖို့ကြိုးပမ်းခဲ့သူတွေနဲ့ စွပ်စွဲခံရသူတွေအပြင် သံသယရှိသူတွေကို ဖမ်းဆီးထားတယ်" လို့ ပြောပါတယ်။ 

ဘာကီနာဖာဆိုနိုင်ငံမှာ အာဏာသိမ်းဖို့ ကြိုးပမ်းမှုထပ်မံဖြစ်ပွားခဲ့ပြီးနောက် ပြည်သူတွေဟာ လက်ရှိအုပ်ချုပ်နေတဲ့ ဘာကီနာဖာဆိုစစ်အစိုးရကို ထောက်ခံကြောင်း ဆန္ဒထုတ်ဖော်ခဲ့ပါတယ်။ ဘာကီနာဖာဆိုစစ်အစိုးရဟာ ပြီးခဲ့တဲ့ နှစ်မှာ အာဏာသိမ်းခဲ့ပြီးနောက် စစ်အစိုးရအဖြစ် နိုင်ငံကို အုပ်ချုပ်နေတာလည်းဖြစ်ပါတယ်။ ဘာကီနာဖာဆို နိုင်ငံမှာ ပြီးခဲ့တဲ့နှစ်ပိုင်းအတွင်း အာဏာသိမ်းဖို့ ကြိုးပမ်းတဲ့ဖြစ်ရပ်များ မကြာခဏဖြစ်ပွားခဲ့ကြောင်း သိရပါတယ်။