ဂျန်ဇက် (NSS) - စက်တင်ဘာ ၂၅

အိန္ဒိယရဲတပ်ဖွဲ့သည် Shantiniketan မြို့ရှိ Visva Bharati တက္ကသိုလ်တွင် PhD ဘွဲ့ရယူရန် ကြိုးပမ်းနေသော မြန်မာနိုင်ငံသားကို ပြန်ပေးဆွဲခဲ့သော ပြန်ပေးသမား ၁၂ ဦးကို စက်တင်ဘာ ၂၃ ရက်က ဖမ်းဆီးနိုင်ခဲ့ကြောင်း အိန္ဒိယအခြေစိုက်သတင်းများတွင် ဖော်ပြထားသည်။

PhD ဘွဲ့ရယူရန် ကြိုးပမ်းနေသော  မြန်မာနိုင်ငံသားသည် ပြီးခဲ့သောရက်ပိုင်းတွင် အနောက်ဘန်ဂေါပြည်နယ်ရှိ လူလိမ်ဂိုဏ်းများ၊ ပြန်ပေးအုပ်စုများ၏ ဖမ်းဆီးခြင်းခံရကာ အဆက်အသွယ်မရဘဲရှိနေခဲ့ကြောင်း သိရသည်။ အိန္ဒိယရဲတပ်ဖွဲ့သည် မြန်မာနိုင်ငံသား ပြန်ပေးဆွဲခံရပြီးနောက် CCTV မှတ်တမ်းများ နှင့် ဖုန်းမှတ်တမ်းများကို စစ်ဆေးခဲ့ပြီးနောက် မြန်မာနိုင်ငံသားကို အနောက်ဘန်ဂေါပြည်နယ် အိုဒစ်ဟာမြို့မှ ပြန်လည်ကယ်တင်နိုင်ခဲ့ ကြောင်း သတင်းထုတ်ပြန်ထားသည်။

အဆိုပါ ပြန်ပေးဆွဲမှုနှင့်ပတ်သက်ပြီး ဆက်နွယ်နေသူ စုစုပေါင်း ၁၂ ဦးရှိခဲ့ပြီး အဲဒီသူ အားလုံးကိုလည်း ဖမ်းဆီးနိုင်ခဲ့ခြင်းဖြစ်ကြောင်း၊ ပြန်ပေးဆွဲခံရသည့်အဓိကအကြောင်းအရင်းကို အတိအကျမသေးဘဲ စစ်မေးမြန်းနေ ဆဲဖြစ်ကြောင်း အိန္ဒိယရဲတပ်ဖွဲ့က ပြောသည်။ အဆိုပါပြန်ပေးဆွဲမှုသည် ငွေကြေးအငြင်းပွားမှုများမှတဆင့် ဖြစ်ပွားလာခဲ့ခြင်းဖြစ်ကြောင်း၊ ပြန်ပေးဆွဲခဲ့သူ ၁၂ ဦးအနက် လေးဦးက Dubarajpur မြို့တွင် နေထိုင်သူများဖြစ်ကာ အခြားသူများက Medinipur မြို့အရှေ့ပိုင်းတွင် နေထိုင်သူများဖြစ်ကြောင်း အိန္ဒိယရဲတပ်ဖွဲ့က ပြောသည်။

မြန်မာနိုင်ငံသားသည် Bolpur မြို့ရှိ အိမ်တစ်အိမ်ကို ငှားရမ်းနေထိုင်နေကာ PhD ဘွဲ့ရယူရန် ကြိုးပမ်းနေသူဖြစ်ပြီး စက်တင်ဘာ ၂၁ ရက်တွင် လူ ၇ ဦးက အနက်ရောင် SUV ကားဖြင့်လာရောက်ကာ ဖမ်းဆီးခေါ်ဆောင်သွားခဲ့ခြင်းဖြစ်ကြောင်း မျက်မြင်တွေ့ရှိသူများက ပြောသည်။