ရောင်နီ (NSS) - စက်တင်ဘာ ၁၅ 

မက္ကဆီကိုနိုင်ငံ၊ ဥပဒေပြုလွှတ်တော်အမတ်တွေက ဂြိုလ်သားတွေနဲ့ UFO ဆိုင်ရာတွေ့ရှိချက်နဲ့ပတ်သက်ပြီး ထူးထူးခြားခြားကြားနာမှုကို ကွန်ဂရက်လွှတ်တော်မှာ ပထမဆုံး ပြုလုပ်ခဲ့ပါတယ်။

အင်္ဂါနေ့ (စက်တင်ဘာ ၁၂ ရက်) က ကြားနာမှုမှာ ရုပ်အလောင်း ၂ ခုကို ပြသခဲ့ပါတယ်။ ပြသထားတဲ့ သေးငယ်တဲ့ အလောင်းနှစ်ခုဟာ လက်တစ်ဖက်စီမှာ လက်ချောင်းသုံးချောင်းရှိပြီး ရှည်လျားတဲ့ ဦးခေါင်းတွေ ရှိပါတယ်။ အဆိုပါ ရုပ်အလောင်းတွေဟာ ကမ္ဘာမြေပေါ်က အရာတွေမဖြစ်နိုင်ဘူးလို့ သံသယရှိပြီး စစ်ဆေးဖို့ တရားရုံးကို တောင်းဆိုခဲ့သူ ဂျိမ်း မာရူဆန်က ၎င်းတို့ကို ၂ဝ၁၇ ခုနှစ်က လေယာဉ်ပေါ်က ကြည့်မှသာ မြင်နိုင်တဲ့ ပီရူးနိုင်ငံရှိ ရှေးဟောင်းမြေပုံ Nazca Lines အနီးမှာ တွေ့ရှိခဲ့တာဖြစ်ပါတယ်။

ဒီရုပ်ကြွင်းတွေဟာ ကမ္ဘာပေါ်က သက်ရှိအရာတွေရဲ့ဖွဲ့စည်းပုံနဲ့ ဆက်နွယ်ခြင်း မရှိဘဲ၊ ဒါကိုသာ ဖော်ထုတ်နိုင်ရင် သိပ္ပံပညာအတွက် အဖိုးမဖြတ်နိုင်မယ့်အရာတွေဖြစ်မယ်လို့ ဆိုပါတယ်။ ၎င်းတို့ဟာ နှစ်ပေါင်း ၁ဝဝဝ ခန့် သက်တမ်းရှိပြီဖြစ်တယ်လို့ မက္ကဆီကို အမျိုးသားကိုယ်ပိုင်အုပ်ချုပ်ခွင့်ရ တက္ကသိုလ် (UNAM) ရဲ့ကာဗွန် ဆန်းစစ်ချက်အရ သိရပါတယ်။

မူဆန်ဟာ အဲဒီရုပ်ကြွင်းတွေကို စစ်ဆေးဖို့ ၂ဝ၁၇ ခုနှစ်ကတည်းက တရားရုံးကို တောင်းဆိုခဲ့တာဖြစ်ပြီး ကြာသပတေးနေ့ (စက်တင်ဘာ ၂၄ ရက်) မှာတော့ UNAM က ၎င်းရဲ့ National Laboratory of Mass Spectrometry with Accelerators (LEMA) မှ ရုပ်ကြွင်းတွေရဲ့သက်တမ်းနဲ့ ဂြိုဟ်သားရုပ်ကြွင်း ဖြစ်နိုင်ခြေကို စစ်ဆေးဖို့ ဆုံးဖြတ်ခဲ့ပါတယ်။