ယွန်း (NSS) - သြဂုတ် ၃၁

(၅၅)ကြိမ်မြောက်မှစတင်ကာ အောင်ဘာလေသိန်းဆုထီနှင့် အွန်လိုင်းသိန်းဆုထီဖွင့်ပွဲများကို သီးခြားစီဖွင့်လှစ်သွားမည်ဖြစ်ကြောင်း ပြည်တွင်းအခွန်များဦးစီးဌာနမှ ထုတ်ပြန်ထားသည်။

ပြည်တွင်းအခွန်များဦးစီးဌာနမှ ယနေ့(သြဂုတ်လ ၃၁ရက်)ထုတ် နိုင်ငံပိုင်သတင်းစာများတွင် အထက်ပါကဲ့သို့ အသိပေးထုတ်ပြန်ထားခြင်းဖြစ်သည်။

(၅၅)ကြိမ်မြောက် ကျပ်(၁၀၀၀)တန် အောင်ဘာလေသိန်းဆုထီအတွက် "က အက္ခရာမှ ည အက္ခရာအထိ" (ဂဏန်း ၁ ထိပ်စီးမှစ၍ ၉ ထိပ်စီးအထိ အပါအဝင်) (၇၅)ရာခိုင်နှုန်းဖြစ်သော ထီလက်မှတ် အစောင်ရေ(၆၇၅၀၀၄၀)စောင်အား စက်တင်ဘာလ(၁)ရက်မှစ၍ ရောင်းချပေးသွားမည်ဖြစ်ကြောင်း သိရသည်။

အဆိုပါလက်မှတ်များ ရောင်းချငွေစုစုပေါင်း၏ (၇၀)ရာခိုင်နှုန်းကို ဆုမဲအဖြစ် ပြန်လည်ခွဲဝေချီးမြှင့်ပေးမည်ဖြစ်ကြောင်း ထုတ်ပြန်ချက်အရ သိရသည်။

အလားတူ (၅၅)ကြိမ်မြောက် အောင်ဘာလေအွန်လိုင်းသိန်းဆုထီအတွက် "က အက္ခရာမှ ည အက္ခရာအထိ" (ဂဏန်း ၁ ထိပ်စီးမှစ၍ ၉ ထိပ်စီးအထိ အပါအဝင်) (၂၅)ရာခိုင်နှုန်းဖြစ်သော ထီလက်မှတ်စောင် ရေ(၂၂၄၉၉၄၀)စောင်အား စက်တင်ဘာလ(၁)ရက်တွင် စတင်ရောင်းချပေးသွားမည်ဖြစ်ကြောင်း ပြည်တွင်းအခွန်များဦးစီးဌာနက အသိပေးထားသည်။

ထို့နောက် အောင်ဘာလေအွန်လိုင်းသိန်းဆုထီလက်မှတ်များ ရောင်းချငွေစုစုပေါင်း၏ (၇၀)ရာခိုင်နှုန်းကို ဆုမဲအဖြစ် ပြန်လည်ခွဲဝေချီးမြှင့်ပေးမည်ဖြစ်ကြောင်း သိရသည်။

အဆိုပါ (၅၅)ကြိမ်မြောက် ကျပ်(၁၀၀၀)တန် အောင်ဘာလေသိန်းဆုထီဖွင့်ပွဲကို ၂၀၂၃ ခုနှစ်၊ အောက်တို ဘာလ(၁)ရက်၊ နံနက်(၈)နာရီအချိန်တွင် အောင်ဘာလေသိန်းဆုဌာနခွဲ ထီဖွင့်ပွဲခန်းမတွင် ကျင်းပသွား မည်ဖြစ်ကြောင်း သိရသည်။

အလားတူ ကျပ်(၁၀၀၀)တန် ‌အောင်ဘာလေအွန်လိုင်းသိန်းဆုထီဖွင့်ပွဲကိုလည်း အောက်တိုဘာလ (၁)ရက်၊ နံနက်(၁၀)နာရီအချိန်တွင် အောင်ဘာလေသိန်းဆုဌာနခွဲ ထီဖွင့်ပွဲခန်းမ၌ သီးခြားစီဖွင့်လှစ်၍ ထီဆုမဲများကိုလည်း သီးခြားစီခွဲ၍ ချီးမြှင့်ပေးသွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

မနက်ဖြန် (စက်တင်ဘာလ(၁)ရက်)တွင် ဖွင့်လှစ်မည့်(၅၄)ကြိမ်မြောက် အောင်ဘာလေထီဖွင့်ပွဲအတွက် ထီလက်မှတ်ရောင်းရငွေကျပ်(၅)ဘီလျံကျော်အထိရရှိထားပြီး ၎င်း၏ ၇၀ ရာခိုင်နှုန်းဖြစ်သည့် ကျပ်သန်း ၃၇၀၅ ဒသမ ၂၃၁ ကိုထီဆုငွေအဖြစ် ခွဲဝေချီးမြှင့်ပေးမည်ဟု အောင်ဘာလေသိန်းဆုဌာနခွဲက ကြေညာထားသည်။