ရန်ကုန်မြို့ရှိ ရဲစခန်း(၃)ခုအနီး၌ ပေါက်ကွဲမှုများ ဖြစ်ပွားခဲ့
NSS - သြဂုတ် ၃၀
ရန်ကုန်မြို့ရှိ ရဲစခန်း(၃)ခုအနီး၌ ယမန်နေ့(သြဂုတ်လ ၂၉ ရက်)ညပိုင်းတွင် ပေါက်ကွဲမှုများ ဖြစ်ပွားခဲ့ကြောင်း သတင်းရရှိသည်။
ရန်ကုန်တိုင်း၊ တောင်ဥက္ကလာပမြို့နယ်ရှိ မြို့မရဲစခန်းအနီးတွင် ယမန်နေ့ည ၉ နာရီအချိန်ခန့်တွင် ပေါက်ကွဲမှုဖြစ်စဉ်တစ်ခု ဖြစ်ပွားခဲ့သည်ဟု လုံခြုံရေးအဖွဲ့နှင့်နီးစပ်သူက NSS ကို ပြောသည်။
“တောင်ဥက္ကလာ၊ ရန်ကင်း၊ အရှေ့ဒဂုံရဲစခန်းအနီးမှာ ပေါက်ကွဲမှုဖြစ်တာပါ။ (၃)နေရာမှာ ဖြစ်တာပါ။ ပေါက်ကွဲမှုကြောင့်တော့ လူတွေဘာတွေ ထိခိုက်တာမရှိပါဘူး”ဟု လုံခြုံရေးအဖွဲ့နှင့်နီးစပ်သူတစ်ဦးက ပြောသည်။
အလားတူ ယမန်နေ့ ည ၉ နာရီအချိန်ခန့်တွင် ဒဂုံမြို့သစ်အရှေ့ပိုင်းမြို့နယ်ရှိ ရဲစခန်းအနီးနှင့် ရန်ကင်းမြို့နယ်ရှိ ရဲစခန်းအနီးတို့တွင်လည်း ပေါက်ကွဲမှုများဖြစ်ပွားခဲ့ကြောင်း သိရသည်။
အဆိုပါပေါက်ကွဲမှုများကြောင့် လူထိခိုက်ဒဏ်ရာရရှိခဲ့မှု မရှိကြောင်းလည်း လုံခြုံရေးအဖွဲ့နှင့်နီးစပ်သူက ပြောသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
လွိုင်လင်မြို့နယ်တွင် TOYATA ALPHARD ကားပေါ်မှ ငွေကျပ်သိန်း(၂၄၀၀)တန်ဖိုးရှိ စိတ်ကြွရူးသွပ်ဆေးပြားများဖမ်းဆီးရမိ
RELATED POSTS
22 Nov 2024 | မှုခင်း,ပြည်တွင်း
