ဂျန်ဇက် (NSS) - ဩဂုတ် ၃ဝ

ယူကရိန်းသမ္မတဇီလန်စကီးဟာ စစ်အာဏာအသိမ်းခံရမယ့်အခြေအနေမျိုးနဲ့ ရင်ဆိုင်ရဖွယ်ရှိနေကြောင်း အမေရိကန်ပြည်ပထောက်လှမ်းရေး CIA ရဲ့ အငြိမ်းစားအရာရှိတစ်ဦးဖြစ်တဲ့ လာရီဂျွန်ဆင်က ထုတ်ဖော်ပြောလိုက် ပါတယ်။

မြေပြင်တိုက်ပွဲတွေမှာ အောင်မြင်မှုမရခြင်းတွေကြောင့် ယူကရိန်းစစ်တပ်က ယူကရိန်းသမ္မတဇီလန်စကီးကို ဆန့်ကျင်တာမျိုးတွေဖြစ်လာနိုင်ကြောင်း ၎င်းက ပြောပါတယ်။ ၎င်းက "ယူကရိန်းနိုင်ငံအရှေ့ဘက်ပိုင်းရှိ ရှေ့တန်း စစ်မျက်နှာပြင်မှာ စစ်သားတွေကြား အမြင်မတူသဘောထားကွဲလွဲမှုတွေကြောင့် လာမယ့်သီတင်းပတ် သုံးပတ် ကနေ လေးပတ်အတွင်း ဇီလန်စကီးဟာ စစ်အာဏာသိမ်းခံရမယ့် ခြိမ်းခြောက်မှုတွေရှိနေတယ်" လို့ ပြောပါတယ်။

ယူကရိန်းနိုင်ငံဟာ အမေရိကန်ဦးဆောင်တဲ့အနောက်အုပ်စုနိုင်ငံတွေက လေ့ကျင့်ပေးထားတဲ့ ယူကရိန်းစစ်သား တွေနဲ့အတူ အနောက်အုပ်စုနိုင်ငံတွေက ထောက်ပံ့ပေးထားတဲ့စစ်လက်နက်ပစ္စည်းတွေ အသုံးပြုပြီး ရုရှားတပ်ဖွဲ့ တွေကို တန်ပြန်ထိုးစစ်အရှိန်အဟုန်နဲ့လုပ်ဆောင်ခဲ့ပေမယ့် မျှော်လင့်သလောက်အောင်မြင်မှုမရခဲ့ကြောင်း သိရပါ တယ်။ 

တန်ပြန်ထိုးစစ်ဆင်ရာမှာ ယူကရိန်းရဲ့စစ်ဘက်ဆိုင်ရာနည်းစနစ်တွေနဲ့ပတ်သက်ပြီး အမေရိကန် နဲ့ အနောက်အုပ်စု နိုင်ငံတွေရဲ့ဝေဖန်မှုတွေလည်း မြင့်တက်နေပါတယ်။ ယူကရိန်း မရိန်းတပ်ဖွဲ့ရဲ့အရာရှိဟောင်းတစ်ဦးဖြစ်တဲ့ စကော့ရစ်တာက ယူကရိန်းတပ်မတွေ ဖျက်ဆီးခံနေရခြင်းကြောင့် အာဏာသိမ်းမှုမျိုးတွေ ဖြစ်လာနိုင်ဖွယ်ရှိနေ တယ်လို့  သြဂုတ်လ အစောပိုင်းတုန်းကလည်း သုံးသပ်ပြောဆိုခဲ့ဖူးပါတယ်။ 

စစ်ရေးပဋိပက္ခများ ဆက်လက်ဖြစ်ပွားနေမယ်ဆိုရင် ယူကရိန်းနိုင်ငံဟာ နိုင်ငံတစ်နိုင်ငံအဖြစ် ဆက်လက်ရှိနေ မလားဆိုတဲ့အချက်က ကြီးမားတဲ့သံသယဖြစ်မှုတွေ မြင့်တက်နေကြောင်း လာရီဂျွန်ဆင်က ပြောပါတယ်။ ယူကရိန်းဟာ အနောက်အုပ်စုနိုင်ငံတွေအပေါ် အလုံးစုံ မှီခိုနေပြီး လိုအပ်ချက်များလည်းမြင့်တက်နေကြောင်း၊ ယူကရိန်းရဲ့စွမ်းဆောင်ရည်တွေက ကောင်းမွန်မှုမရှိကြောင်း လာရီဂျွန်ဆင်က ပြောပါတယ်။

အမေရိကန်ဟာ မဟာဗျူဟာဟာ ရုရှားကို ထောင်ချောက်ထဲပိတ်မိနေစေဖို့ နဲ့ ရုရှားအစိုးရအပြောင်းအလဲဖြစ်စေဖို့ စစ်ရေးပဋိပက္ခဖန်တီးခဲ့တာမျိုးဖြစ်ကြောင်း လာရီဂျွန်ဆင်က ပြောပါတယ်။ ယူကရိန်းဟာ ရုရှားကို သိမ်းပိုက် ထားတဲ့နယ်မြေတွေကို ပြန်လည်ရယူနိုင်ဖို့ ကြိုးပမ်းနေပေမယ့် ပြန်လည်သိမ်းပိုက်နိုင်ခြင်း မရှိသေးကြောင်း သိရပါ တယ်။

ယူကရိန်းဟာ ရုရှားပိုင်နက်တွေဖြစ်တဲ့ မော်စကို နဲ့ ခရိုင်းမီးယားဒေသတွေကိုလည်း ဒရုန်းတွေနဲ့တိုက်ခိုက်လာခဲ့ရာ စစ်ပွဲက အကန့်သတ်နဲ့ဖြစ်တဲ့ ပုံစံမျိုးမဟုတ်တော့ကြောင်း အနောက်အုပ်စုမီဒီယာတွေက ဖော်ပြထားပါတယ်။