စော(NSS) - ဇူလိုင် ၂၄

မြန်မာနိုင်ငံကူးလက်မှတ်အသစ်ပြန်လည်လျှောက်ထားသူများသည် ဘတ်(၄၉၀၀)ပေးသွင်းရမည်ဖြစ် ကြောင်း ထိုင်းနိုင်ငံရှိ မြန်မာသံရုံးမှ ထုတ်ပြန်ထားသည်။ 

ထိုင်းနိုင်ငံ၊ ဘန်ကောက်မြို့ရှိ မြန်မာသံရုံးမှ ယနေ့(ဇူလိုင်လ ၂၄ ရက်)တွင် အထက်ပါကဲ့သို့အသိပေးထုတ်ပြန်ထားခြင်းဖြစ်သည်။

ထိုင်းနိုင်ငံ၌  မြန်မာနိုင်ငံကူးလက်မှတ်ကိုင်ဆောင်ထားသူများအနေဖြင့် နိုင်ငံကူးလက်မှတ် ပျောက်ဆုံးခြင်း သို့မဟုတ် ပျက်စီးမှုများကို  မြန်မာသံရုံး၊ ကောင်စစ်ဝန်ချုပ်ရုံးတို့တွင် အသစ်ပြန်လည် လျှောက် ထားလျက်ရှိကြောင်း သိရသည်။

ထို့သို့ အသစ်ပြန်လည်လျှောက်ထားလျက်ရှိရာ ယနေ့(ဇူလိုင်လ ၂၄ ရက်)မှစတင်၍ ဒဏ်ကြေး (၃၆၅၀)ဘတ် အပါအဝင် စာအုပ်တန်ဖိုး (၁၂၅၀)ဘတ် စုစုပေါင်း (၄၉၀၀)ဘတ် ပေးသွင်းရမည်ဖြစ်ကြောင်း ထုတ်ပြန်ချက်အရ သိရသည်။

ထို့ပြင် နိုင်ငံကူးလက်မှတ်ပျောက်ဆုံးခြင်း သို့မဟုတ် ပျက်စီးခဲ့သည့် အမှုတွဲများအား သက်ဆိုင်ရာဝန်ကြီးဌာနသို့ ပြန်လည်ပေးပို့စိစစ်ပြီး ခွင့်ပြုချက်ရရှိမှသာ မြန်မာသံရုံး၊ ကောင်စစ်ဝန်ချုပ်ရုံးတို့မှ အသစ်ပြန်လည် ပြုလုပ်ပေးကြောင်း အသိပေးထုတ်ပြန်ထားသည်။