မုံရွာမြို့၌ ကားတစ်စီးမှ ပန်းသည်အမျိုးသမီးအား ပွတ်တိုက်ပြီးထွက်ပြေးသွားသဖြင့် သေဆုံးမှုဖြစ်ပွား
စော (NSS) - ဇူလိုင် ၂၄
စစ်ကိုင်းတိုင်း၊ မုံရွာမြို့၌ ကားတစ်စီးမှ ဆိုင်ကယ်မောင်းလာသည့် ပန်းသည်အမျိုးသမီးအား ပွတ်တိုက်ပြီးထွက်ပြေးသွားသဖြင့် သေဆုံးခဲ့ကြောင်း သိရသည်။
ဖြစ်စဉ်မှာ ယနေ့(ဇူလိုင်လ ၂၄ ရက်)၊ နံနက် (၅)နာရီအချိန်တွင် မုံရွာမြို့၊ ပြည်ထောင်စုလမ်းမကြီး၊ ဘုရားနီလမ်းထိပ်အကျော်၌ ဖြစ်ပွားခဲ့ကြောင်း မြန်မာနိုင်ငံလူမှုကယ်ဆယ်ရေးအဖွဲ့(မုံရွာ)ထံမှ သိရသည်။
“ဖြစ်စဉ်တော့ ကျွန်တော်တို့မသိဘူး။ ကျွန်တော်တို့ရောက်တော့ ဆုံးနေပြီ။ ဒဏ်ရာကတော့ ဦးခေါင်းလည်းထိသွားတယ်။ နံရိုးတွေလည်း ကျိုးသွားတာပေါ့”ဟု မြန်မာနိုင်ငံလူမှုကယ်ဆယ်ရေးအဖွဲ့ (မုံရွာ)မှ တာဝန်ရှိသူတစ်ဦးက NP News ကိုပြောသည်။
အဆိုပါ အမျိုးသမီးသည် အသက် (၃၀)နှစ်ဝန်းကျင်ဖြစ်ပြီး ဈေးထဲတွင် ပန်းရောင်းသူတစ်ဦးဖြစ်ကြောင်း သိရသည်။ ၎င်း၏ရုပ်အလောင်းအား မုံရွာပြည်သူ့ဆေးရုံကြီး သို့ပို့ဆောင်ထားကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကိုရီးယားရှိ မြန်မာနိုင်ငံသားများ နိုင်ငံကူးလက်မှတ်ပျောက်ဆုံး၍ ပြန်လည်လျှောက်ထားခြင်းအတွက် ဒဏ်ကြေးငွေ ပြောင်းလဲကောက်ခံမည်
RELATED POSTS
22 Nov 2024 | မှုခင်း,ပြည်တွင်း
