Pika (NSS) - ဇူလိုင် ၁၆ 

အာဂျင်တီးနားအသင်းတိုက်စစ်မှူးမက်ဆီသည် အင်တာမိုင်ယာမီအသင်းတွင် (၂ဝ၂၅)ခုနှစ် မတိုင်မီအချိန်ထိ ကစားရမည့် သဘောတူစာချုပ်ကို ချုပ်ဆိုခဲ့ကြောင်း အင်တာမိုင်ယာမီအသင်းတာဝန်ရှိသူများက ထုတ်ဖော်ပြောခဲ့ သည်။

ပြီးခဲ့သည့်နှစ်က ကမ္ဘာ့ဖလားကို ရယူနိုင်ခဲ့သော တိုက်စစ်မှူးမက်ဆီသည် အင်တာမိုင်ယာမီအသင်းနှင့်အတူ ဇူလိုင် လ(၁၆)ရက်တွင် ပရိသတ်များနှင့်တွေ့ဆုံမည်ဖြစ်ပြီး ဇူလိုင်လ(၂၁)ရက်တွင် အသင်းကစားကွင်းတွင် လာရောက် ကစားရန် မျှော်လင့်ထားကြောင်း သိရသည်။

မက်ဆီ က "အင်တာမိုင်ယာမီအသင်းနဲ့ နောက်ထပ်ခြေလှမ်းအသစ်တွေကို စတင်နိုင်ဖို့ တကယ်ကို စိတ်လှုပ်ရှားမိ ပါတယ်။ ဒါဟာ ကောင်းမွန်တဲ့ အခွင့်အလမ်းတစ်ခုဖြစ်ပြီး အသင်းနဲ့အတူ အကောင်းဆုံးကစားသွားမှာပါ။ အဓိက စိတ်ကူးကတော့ ရည်မှန်းချက်တွေကို အသင်းနဲ့အတူ ဖန်တီးဖို့ပါပဲ" ဟု ပြောခဲ့သည်။

အင်တာမိုင်ယာမီအသင်း၏ တွဲဖက်ပိုင်ရှင် ဒေးဗစ်ဘက်ခမ်းက "လွန်ခဲ့တဲ့ဆယ်နှစ်လောက်တုန်းက မိုင်ယာမီမှာ အသင်းတစ်သင်းတည်ထောင်ပြီး ကမ္ဘာ့အကောင်းဆုံးကစားသမားတွေကို ခေါ်ယူနိုင်ဖို့ အိမ်မက်မက်ခဲ့ပါတယ်။ ဒီနေ့တော့ ဒီအိမ်မက်တွေက တကယ်ဖြစ်လာပါပြီ။ မက်ဆီလို အရည်အချင်းရှိတဲ့ကစားသမားတစ်ယောက် ကျွန်တော်တို့ရဲ့အသင်းကို ရောက်ရှိလာတဲ့အတွက် ဂုဏ်ယူမိပါတယ်။ ပြီးတော့ သူ့ရဲ့မိသားစုကိုလည်း ကြိုဆိုခွင့် ရတဲ့အတွက် တကယ်ကို ဝမ်းသာမိပါတယ်။ မက်ဆီကွင်းထဲမှာ အသင်းကစားသမားတွေနဲ့ အတူကစားတာကို မြင်ရဖို့ မစောင့်နိုင်တော့ပါဘူး" ဟု ပြောခဲ့သည်။