NSS - ဇွန် ၂၆

ရန်ကုန်မြို့ရှိ မင်္ဂလာဒုံမြို့နယ်၌ သစ်ပင်သစ်ကိုင်းများအား ခုတ်ထွင်ရှင်းလင်းသွားမည်ဖြစ်၍  မနက် ဖြန်(ဇွန်လ ၂၇ ရက်)တွင် ယာယီလျှပ်စစ်ဓာတ်အားပြတ်တောက်မည်ဖြစ်ကြောင်း သိရသည်။

ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ ယနေ့(ဇွန်လ ၂၆ ရက်)တွင် အထက်ပါကဲ့သို့ အသိပေးထုတ်ပြန်ထားခြင်းဖြစ်သည်။

ရန်ကုန်မြောက်ပိုင်းခရိုင်၊ မင်္ဂလာဒုံမြို့နယ်ရှိ 66Kv လှော်ကား -(၁၆)မိုင် ဓာတ်အားလိုင်းနှင့် မလွတ်ကင်းသော သစ်ပင်၊ သစ်ကိုင်းများအား ခုတ်ထွင်ရှင်းလင်းသွားမည်ဖြစ်ကြောင်း သိရသည်။

အဆိုပါဆောင်ရွက်မှုများကို ဇွန်လ(၂၇)ရက်‌ နံနက်(၉)နာရီမှ မွန်းလွဲ(၁)နာရီအချိန်အထိ‌ ဆောင်ရွက်သွားမည်ဖြစ်ကြောင်း ထုတ်ပြန်ချက်အရသိရသည်။

ထို့ကြောင့် မင်္ဂလာဒုံမြို့နယ်အတွင်းရှိ ရပ်ကွက်နေရာအချို့တို့တွင် ယာယီ လျှပ်စစ်ဓာတ်အားပြတ်တောက်မှုရှိမည်ဖြစ်ကြောင်း ထုတ်ပြန်ချက်အရသိရသည်။

ထို့ပြင်ဓာတ်အားပြတ်တောက်မှု အချိန်ကြာမြင့်မှုမရှိစေရေးနှင့် ဓာတ်အားပြတ်တောက်မှု ဧရိယာ လျော့ နည်းစေရေးအတွက် အလေးထား ဆောင်ရွက်သွားမည်ဖြစ်ကြောင်း YESC မှ အသိပေးထုတ်ပြန်ထားသည်။