စော (NSS) - ဇွန် ၂၅

၂ဝ၂၄ ပညာသင်နှစ်အတွက် ဆေးပညာဒီပလိုမာသင်တန်းနှင့် ဆေးပညာမဟာသိပ္ပံသင်တန်း ဘွဲ့လွန် သင်တန်းများဖွင့်လှစ်မည်ဖြစ်ပြီး သင်တန်းသားများခေါ်ယူနေကြောင်း သိရသည်။

ရန်ကုန်ရှိ ဆေးတက္ကသိုလ် (၂)မှ ယမန်နေ့(ဇွန်လ ၂၄ ရက်)တွင် အထက်ပါကဲ့သို့ကြေညာထားခြင်းဖြစ် သည်။

ဆေးပညာဒီပလိုမာသင်တန်းတွင် ဆေးလက်တွေ့ဆိုင်ရာဆေးဝါးဗေဒ ဒီပလိုမာအတွက် သင်တန်းကာ လ (၁)နှစ်ကြာမြင့်မည်ဖြစ်ကြောင်း ထုတ်ပြန်ချက်တွင်ပါရှိသည်။

ထို့ပြင် ဆေးပညာမဟာသိပ္ပံသင်တန်းတွင် ခန္ဓာဗေဒ၊ ဇီဝကမ္မဗေဒ၊ ဇီဝဓာတုဗေဒ၊ ဆေးဝါးဗေဒအပြင်  ကာကွယ်ရေးနှင့် အပူပိုင်းဆေးပညာတို့အတွက် သင်တန်းကာလ (၂)နှစ်ဖြစ်ကြောင်း သိရသည်။

အလားတူ အဏုဇီဝဗေဒ၊ ရောဂါဗေဒ၊ ဥပဒေရေးရာဆေးပညာ၊ နား၊နှာခေါင်း၊ လည်ခေါင်း၊ ဦးခေါင်းနှင့် လည်ပင်းခွဲစိတ်ကုပညာ၊ မေ့ဆေးပညာ၊ ကိုယ်အင်္ဂါပြန်လည်သန်စွမ်းရေးဆေးပညာနှင့် အရေပြားရောဂါပညာတို့ကိုလည်း သင်တန်းကာလ (၃)နှစ်သင်ကြားသွားမည်ဖြစ်ကြောင်း သိရသည်။

ထို့ပြင် မျက်စိရောဂါပညာ၊ စိတ်ကျန်းမာပညာ၊ အရေးပေါ်ကုသမှုဆေးပညာ၊ ဆေးပညာ၊ ခွဲစိတ်ကုပညာ၊ သားဖွားမီးယပ်ပညာ၊ ကလေးကျန်းမာပညာ၊ ဦးနှောက်နှင့် အာရုံကြောခွဲစိတ်ကုပညာ၊ ကျောက်ကပ်နှင့်ဆီးလမ်းကြောင်း ခွဲစိတ်ကုပညာတို့ကို သင်တန်းကာလ (၃)နှစ် သင်ကြားမည်ဖြစ်ကြောင်း သိရသည်။

ဆေးပညာမဟာသိပ္ပံသင်တန်းတွင် နှလုံးနှင့်သွေးကြောခွဲစိတ်ပညာ၊ အရိုးရောဂါပညာနှင့် ဓာတ်မှန်ပညာ သင်တန်းအတွက် သင်တန်းကာလ (၄)နှစ်သင်ကြားသွားမည်ဖြစ်ကြောင်း ထုတ်ပြန်ချက်အရသိရသည်။

လျှောက်ထားလိုသူများသည် M.B.B.S ဘွဲ့ သို့မဟုတ် မြန်မာနိုင်ငံဆေးကောင်စီမှ အသိအမှတ်ပြုထားသည့် အလားတူဘွဲ့ရရှိပြီးသူ ဖြစ်ရန်လိုအပ်ကြောင်း ထုတ်ပြန်ချက်အရသိရသည်။

ထို့ပြင်‌ လျှောက်ထားလိုသူများအနေဖြင့် လျှောက်လွှာပိတ်သည့်ရက်တွင် ဒီပလိုမာသင်တန်းအတွက် အသက်(၅ဝ)ထက် မကျော်လွန်သူဖြစ်ရန်လိုကြောင်း သိရသည်။

အလားတူ မဟာသိပ္ပံသင်တန်းများအတွက်လည်း လျှောက်လွှာပိတ်သည့်ရက်တွင် အသက်(၄၅)နှစ်ထက် မကျော်လွန်သူဖြစ်ရန်လိုကြောင်း သိရသည်။ 

လျှောက်လွာပိတ်ရက်သည် ဩဂုတ်လ( ၄)ရက်ဖြစ်ပြီး ဝင်ခွင့်စာမေးပွဲစစ်ဆေးမည့်ရက်သည်အောက်တို ဘာလ(၆)ရက်ဖြစ်ကြောင်း သိရသည်။

လျှောက်လွှာများကို သက်ဆိုင်ရာဌာနဝန်ထမ်းအဖွဲ့အစည်းအကြီးအမှူး (ညွှန်ကြားရေးမှူးချုပ်/ဦးဆောင်ညွှန်ကြားရေးမှူး)မှတဆင့်လျှောက်ထားရမည်ဖြစ်ပြီး ဝန်ထမ်းအဖွဲ့အစည်းအကြီးအမှူး၏ ထောက်ခံချက်ပါရှိရမည်ဖြစ်ကြောင်း သိရသည်။