NSS - ဇွန် ၂၂

မြဝတီမြို့နယ်၊ မဲကနယ်ကျေးရွာအုပ်စုအတွင်း တပ်မတော်စစ်ကြောင်း နှင့်  KNU/PDF အဖွဲ့တို့တိုက်ပွဲဖြစ်ပွားခဲ့ခြင်းကြောင့် ရွာသူ၊ ရွာသားများ တိမ်းရှောင်နေရကြောင်း ဒေသခံပြည်သူများထံမှသိရသည်။ 

အဆိုပါဖြစ်စဉ်သည် ဇွန်လ ၂ဝ ရက်၊ ညနေ ၄ နာရီ အချိန်ခန့်တွင် ဖြစ်ပွားခဲ့ခြင်းဖြစ်ကြောင်းသိရသည်။  

ကရင်ပြည်နယ်၊ မြဝတီမြို့နယ်၊ မဲကနယ်ကျေးရွာအုပ်စု၊ ပွင့်လင်းအေးမြိုင်ကျေးရွာနှင့် တုံးတံတားကျေး ရွာအနီး၌ KNU/PDF အဖွဲ့မှအင်အား(၂ဝဝ)ဦးခန့်နှင့် တပ်မတော်စစ်ကြောင်းတို့တိုက်ပွဲဖြစ်ပွားခဲ့ပြီး လက် နက်ကြီးများဖြင့် ပစ်ခတ်မှုများရှိခဲ့ကြောင်း သိရသည်။ 

အဆိုပါ ပစ်ခတ်မှုများကြောင့် မဲကနယ်ကျေးရွာအုပ်စု၊ ပွင့်လင်းအေးမြိုင်ကျေးရွာတွင် နေထိုင်သည့် အသက်(၅၄)နှစ်အရွယ် ဒေါ်အေးသန်းကြည်၏ နေအိမ်အနီးသို့ လက်နက်ကြီးကျရောက်ပေါက်ကွဲခဲ့သဖြင့် ဒေါ်အေးသန်းကြည်တွင် ကျည်စထိမှန် ဒဏ်ရာရရှိခဲ့ကြောင်း ဒေသခံပြည်သူတစ်ဦးက ပြောသည်။ 

လက်ရှိတွင် မဲကနယ်ကျေးရွာအုပ်စု၊ ပွင့်လင်းအေးမြိုင်ကျေးရွာမှ အိမ်ထောင်စု (၅၇)စုသည် မြဝတီမြို့၊အမှတ် ၄ ရပ်ကွက်၊ တောရကျောင်းသို့သွားရောက်တိမ်းရှောင်နေကြရကြောင်း ဒေသခံပြည်သူများက ပြောသည်။