စော (NSS) - ဇွန် ၁၃

မန္တလေးတိုင်း၊ မဟာအောင်မြေမြို့နယ်ရှိ ဧရာဝတီမြစ်ကမ်းစပ်တွင် ရေနစ်သေဆုံးနေသည့် အမျိုးသားတစ်ဦး အလောင်းတွေ့ရှိခဲ့ကြောင်း သိရသည်။

အဆိုပါအလောင်းကို ယနေ့(ဇွန်လ ၁၃ ရက်) ၊ မွန်းလွဲ (၁၂)နာရီဝန်းကျင်အချိန်တွင် မဟာအောင်မြေမြို့နယ်၊ (၃၈)လမ်း×(၄၁)လမ်းကြားရှိ ဧရာဝတီမြစ်ကမ်းစပ်၌ တွေ့ရှိခဲ့ခြင်းဖြစ်ကြောင်း မဟာ-လူမှုကယ်ဆယ်ရေး အသင်းထံမှ သိရသည်။

“ဘယ်လိုဖြစ်ပြီးနစ်နေတာလဲတော့မသိဘူး။ လက်ရှိလည်း မိသားစုနဲ့အဆက်အသွယ်မရသေးဘူး။ သက်ဆိုင်ရာကခေါ်လို့သွားကောက်တာပါ”ဟု မဟာ-လူမှုကယ်ဆယ်ရေးအသင်းမှ တာဝန်ရှိသူတစ်ဦးက NP News ကိုပြောသည်။

လက်ရှိတွင် အဆိုပါအမျိုးသားနှင့်ပတ်သက်သည့် မည်သည့်အချက်အလက်မှ မသိသေးကြောင်း ၎င်းကဆက်လက်ပြောဆိုထားသည်။

၎င်း၏ရုပ်အလောင်းအား မန္တလေးပြည်သူ့ဆေးရုံကြီး ရင်ခွဲရုံသို့ ပို့ဆောင်ထားကြောင်း သိရသည်။