Pika (NSS) - အောက်တိုဘာ ၁

လက်ဘနွန်နိုင်ငံအခြေစိုက် ဟစ်ဘိုလာလက်နက်ကိုင်အဖွဲ့နဲ့ အပြန်အလှန် ပစ်ခတ်တိုက်ခိုက်မှုတွေကို ဆက်တိုက်လုပ်ဆောင်ပြီးနောက် အောက်တို ဘာလ(၁)ရက်နေ့မှာ အစ္စရေးတပ်ဖွဲ့တွေဟာ လက်ဘနွန်နိုင်ငံတွင်းကို မြေပြင်ထိုးစစ်ဆင်မှုတွေစတင်လုပ်ဆောင်ခဲ့တယ်လို့ သိရပါတယ်။

လက်ဘနွန်နိုင်ငံအတွင်းဝင်ရောက်ထိုးစစ်ဆင်မှုတွေကို စက်တင်ဘာလ (၃၀)ရက်နေ့ညပိုင်းမှာ စတင်လုပ်ဆောင်ခဲ့တာဖြစ်ပြီး တပ်ခွဲ(၉၈)က လေတပ်သားတွေနဲ့ ကွန်မန်ဒိုတွေပါဝင်တယ်လို့ အစ္စရေးအစိုးရက ထုတ်ပြန်ပြောကြားခဲ့ပါတယ်။ လက်ဘနွန်နိုင်ငံတောင်ပိုင်းက ရွာတွေမှာရှိတဲ့ ဟစ် ဘိုလာလက်နက်ကိုင်အဖွဲ့တွေကို မြေပြင်ထိုးစစ်ဆင်မှုတွေ စတင်လုပ်ဆောင်ခဲ့တာဖြစ်ပြီး မြေပြင်တပ်ဖွဲ့တွေကို  လေတပ်နဲ့အမြောက်တပ်တွေက ကူညီပံ့ပိုးမှုတွေ လုပ်ဆောင်ပေးခဲ့တယ်လို့ အစ္စရေးအစိုးရကပြောကြားထားပါတယ်။ အစ္စရေးတပ်ဖွဲ့တွေဟာ ထောက်လှမ်းဖို့နဲ့ စစ်ဆင်ရေးတွေအတွက် လက်ဘနွန်နိုင်ငံတွင်းကို စက်တင်ဘာလ(၃၀)ရက်နေ့မှာ ဖြတ်ကျော်ဝင်ရောက်လာခဲ့တယ်လို့ လက်ဘနွန်လုံခြုံရေးသတင်းရင်းမြစ်တစ်ခုက ပြောကြားခဲ့ပါတယ်။

အစ္စရေးတပ်ဖွဲ့တွေကို ဖြတ်ကျော်ဝင်ရောက်လာမှုနဲ့အတူ လက်ဘနွန်တပ်ဖွဲ့တွေဟာ နယ်စပ်တစ်လျှောက်မှာရှိတဲ့နေရာတွေကနေ ချက်ချင်းဆုတ်ခွာခဲ့ရတယ်လို့လည်း အဲဒီသတင်းရင်းမြစ်ကပြောကြားခဲ့ပါတယ်။ ပြီးခဲ့တဲ့ရက်ပိုင်းက အစ္စရေးတပ်ဖွဲ့တွေဟာ လက်ဘနွန်နိုင်ငံ ဘေရွတ်မြို့မှာရှိတဲ့ မြေ အောက်ဘန်ကာတစ်ခုကို ဗုံးကြဲတိုက်ခိုက်မှုအတွင်း ဟစ်ဘိုလာလက်နက် ကိုင်အဖွဲ့ရဲ့ခေါင်းဆောင် Hassan Nasrallah ကို လုပ်ကြံသတ်ဖြတ်နိုင်ခဲ့တယ်လို့လည်း သိရပါတယ်။ Hassan Nasrallah သေဆုံးမှုကို ဟစ်ဘိုလာလက်နက်ကိုင်အဖွဲ့က အတည်ပြုခဲ့တယ်လို့လည်း သိရပါတယ်။ ဟစ်ဘိုလာလက်နက်ကိုင်အဖွဲ့ခေါင်းဆောင် Hassan Nasrallah သေဆုံးမှုကြောင့် အစ္စရေးနဲ့ ဟစ်ဘိုလာလက်နက်ကိုင်အဖွဲ့ကြားတင်းမာမှုတွေ ပိုမိုမြင့်တက်လာခဲ့ပြီးနောက် ယခုလိုနယ်စပ်ဖြတ်ကျော်မြေပြင်ထိုးစစ်ဆင်မှုတွေကို အစ္စရေးဘက်က စတင်လုပ်ဆောင်ခဲ့တာလည်းဖြစ်ပါတယ်။