Pika (NSS) - အောက်တိုဘာ ၁

အမေရိကန်နိုင်ငံသည် ကမ္ဘာ့သမိုင်းတစ်လျှောက် အဆိုးရွားဆုံး နယ်စပ်အကျပ်အတည်းကို လေးနှစ်နီးပါကြာ တွေ့ကြုံခံစားနေရကြောင်း ရီပတ် ဘလစ်ကန်သမ္မတလောင်း ဒေါ်နယ်ထရမ့်က ဝေဖန် ပြောဆိုခဲ့သည်။ အမေရိကန်-မက္ကဆီကိုတောင်ပိုင်း နယ်စပ်သို့ ဒီမိုကရက်တစ်သမ္မတလောင်း ကာမာလာဟားရစ် သွားရောက်မလည်ပတ်ခင် စက်တင်ဘာလ (၂၆)ရက်တွင် ဒေါ်နယ်ထရမ့်က ယခုကဲ့သို့မှတ်ချက် ပြုပြောဆိုခဲ့ခြင်းဖြစ်သည်။ 

ဒေါ်နယ်ထရမ့်က “ ကျွန်တော်တို့ဟာ ကမ္ဘာ့သမိုင်းတစ်လျှောက် အဆိုးရွားဆုံးနယ်စပ်အကျပ်အ တည်းအတွင်းမှာ လေးနှစ်နီးပါးကြာနေခဲ့ရပါတယ်။ ကျွန်တော်တို့ မြေပေါ်မှာ မရေမတွက်နိုင်တဲ့ ဆင်းရဲ ဒုက္ခတွေနဲ့သေဆုံးတာတွေကို ဖြစ်စေခဲ့တဲ့ ဒီလိုအကျပ်အတည်းမျိုးက အရင်တုန်းက လုံးဝမရှိခဲ့ဖူးပါဘူး။ ဒီပျက်စီးမှုတွေကို ဖြစ်ပေါ်စေခဲ့တဲ့ အဓိကလူက ဒုသမ္မတကာမာလာဟားရစ်ပဲဖြစ်ပါတယ်” ဟုပြော ဆိုခဲ့သည်။ 

ကာမာလာဟားရစ်သည် ၎င်းကိုယ်တိုင်ဖျက်ဆီး ပစ်ခဲ့သော အမေရိကန်-မက္ကဆီကိုတောင်ပိုင်း နယ်စပ်ကို  စက်တင်ဘာ ၂၇ ရက်ကသွားရောက်လည်ပတ်ခဲ့ ကြောင်း ဒေါ်နယ်ထရမ့်က ထပ်မံပြော ဆိုခဲ့သည်။ ထို့ပြင် ဒေါ်နယ်ထရမ့်သည် ကာမလာဟားရစ်၏ လူဝင်မှုကြီးကြပ်ရေးနှင့် နယ်စပ်ရေးရာ မူဝါဒများကို  ပြီးခဲ့သည့်ဩဂုတ်လ(၂၁)ရက်တွင် ပြစ်တင်ဝေဖန် ပြောဆိုခဲ့ဖူးကြောင်း သိရသည်။ ကာမာ လာဟားရစ် သည် ဆန်ဖရန်စ္စကိုနှင့် ကယ်လီဖိုးနီးယားပြည်နယ်တို့ကို ဖျက်ဆီးခဲ့သည့်အတိုင်း အမေရိ ကန်နိုင်ငံ ကို ဖျက်ဆီးပစ်လိမ့်မည်ဖြစ်ကြောင်း ဒေါ်နယ်ထရမ့်က ပြီးခဲ့သည့်လတွင် ဝေဖန်ပြောဆိုခဲ့သည်။

ဒေါ်နယ်ထရမ့်က “ ကာမာလာဟားရစ်ဟာ ဆန်ဖရန်စ္စကိုမြို့နဲ့ ကယ်လီဖိုးနီးယားပြည်နယ်တို့ကို ဖျက်ဆီးခဲ့သလိုပဲ ကျွန်တော်တို့ရဲ့နိုင်ငံကို ဖျက်ဆီး ပစ်ပါလိမ့်မယ်။ ကာမာလာဟားရစ်က ၎င်းထိလိုက် သမျှအရာတိုင်းကို ဖျက်ဆီးပစ်ပါလိမ့်မယ်။ ၎င်းဟာ ဆန်ဖရန်စ္စကိုမြို့မှာ ခရိုင်ရှေ့နေဖြစ်ခဲ့ဖူးပါတယ်။ ပြီးတော့ ၎င်းဟာ ကယ်လီဖိုးနီးယားပြည်နယ်ရဲ့ ရှေ့ နေချုပ်ဖြစ်လာခဲ့ပါတယ်။ သူရှိနေခဲ့တဲ့ နေရာတိုင်းက ငရဲလိုပါပဲ။ ဒီတစ်ကြိမ်မှာတော့ ကာမာလာဟားရစ်ဟာ အမေရိကန်အပေါ် အလားတူပုံစံမျိုးဖြစ် အောင် ထပ်လုပ်ပါလိမ့်မယ်။ ကာမာလာဟားရစ်က နယ်စပ်တွေကိုဖွင့်ပစ်ချင်နေတယ်ဆိုတာ အားလုံးသိကြမှာပါ။ကာမာလာဟားရစ်သာ သမ္မတဖြစ်လာခဲ့မယ်ဆိုရင် လေးနှစ်အတွင်းမှာပဲ နိုင်ငံ တွင်းကို အကြမ်းဖက်သမားတွေအပါအဝင် လူမျိုးစုံဝင်ရောက်လာပါလိမ့်မယ်” ဟု ပြစ်တင်ဝေဖန် ပြောဆိုခဲ့သည်။