Pika (NSS) - စက်တင်ဘာ ၂၆

တောင်ကိုရီးယားနာမည်ကျော် ရုပ်ရှင်မင်းသမီး ကင်ဂျီဝန်းကို ၎င်းတို့၏ သံတမန်အသစ်အဖြစ် ခန့်အပ်ခဲ့ကြောင်း ကမ္ဘာလုံးဆိုင်ရာဇိမ်ခံလက်ဝတ်ရတနာပစ္စည်းကုမ္ပဏီ BVLGARI က စက်တင်ဘာလ(၂၃)ရက်နေ့တွင် ထုတ်ပြန်ကြေညာခဲ့သည်။

ထို့ပြင် ၎င်းတို့၏အမှတ်တံဆိပ်နှင့် လိုက်လျောညီထွေမှုရှိသော ကင်ဂျီဝန်း၏ မတူကွဲပြားသောဆွဲဆောင်မှုများ၊ ခေတ်မီသောစတိုင်နှင့် ကောင်း မွန်သော သရုပ်ဆောင်မှုတို့ကို BVLGARI ကချီးကျူးစကားပြောဆိုခဲ့ကြောင်းသိရသည်။ BVLGARI ကုမ္ပဏီ၏ ပထမဆုံးကိုရီးယား သံတမန်ဖြစ်လာသည့် ကင်ဂျီဝန်းသည် လက်ဝတ်ရတနာများ၊ နာရီများ နှင့် ရေမွှေးများအပါအဝင် အခြားအမျိုးအစားအားလုံးတွင် BVLGARI အမှတ်တံဆိပ်ကို ကိုယ်စားပြုသွားမည်ဖြစ်ကြောင်းလည်း သိရသည်။ ကင်ဂျီဝန်းသည် ရဲရင့်ပြီးတောက်ပကာ လွတ်လပ်သောစိတ်ဓာတ်ရှိသည့် အမျိုးသမီးများကို ဖော်ညွှန်းသော BVLGARI အမှတ်တံဆိပ်၏ Diva's Dream Jewelry Collection အတွက်လည်း ကိုယ်စားပြုသွားမည်ဖြစ်ကြောင်း သိရသည်။ ထို့ပြင် ကင်ဂျီဝန်းသည်  BVLGARI အမှတ်တံဆိပ်၏ နောက်ဆုံးထွက်ရှိထားသော စုဆောင်းမှုများအတွက် ကမ်းပိန်းများတွင်လည်း ပါဝင်သွားမည်ဖြစ်ကြောင်းသိရသည်။

BVLGARI ၏ နှစ်(၁၄၀)ပြည့်နှစ်ပတ်လည်နေ့ကို ဂုဏ်ပြုရန်အတွက် 'Eternal Rebirth: Art and Jewelry, Inspired by Rome' ပြပွဲကို ဆိုးလ်မြို့ Samcheong ရပ်ကွက်ရှိ ဟန်မီပြတိုက်တွင် စက်တင်ဘာလ(၂၇)ရက်နေ့မှ နိုဝင်ဘာလ(၃)ရက်နေ့အထိ ကျင်းပသွားမည်ဖြစ်ကြောင်းလည်း သိရသည်။ ကင်ဂျီဝန်းသည် 'Queen of Tears'၊ 'My Liberation Notes' နှင့် 'Lovestruck in the City' တို့ကဲ့သို့သော ဒရမ်မာစီးရီးများတွင် ၎င်း၏ အကောင်းဆုံးသရုပ်ဆောင်စွမ်းရည်များကို ပြသနိုင်ခဲ့သည့် တောင်ကိုရီးယား နာမည်ကျော် ရုပ်ရှင်သရုပ်ဆောင်တစ်ဦးဖြစ်ကြောင်းလည်း သိရသည်။