Pika (NSS) - စက်တင်ဘာ ၂၆

တရုတ်နိုင်ငံကို သတင်းစကားပေးပို့ဖို့ ကြိုးပမ်းမှုအနေနဲ့ စက်တင်ဘာလ (၂၅)ရက်နေ့မှာ ဂျပန်ကိုယ်ပိုင်ကာကွယ်ရေးတပ်ဖွဲ့ဟာ ထိုင်ဝမ်ရေလက် ကြားကို ပထမဆုံးအကြိမ် ကင်းလှည့်မှုတွေလုပ်ဆောင်ခဲ့တယ်လို့ ဂျပန်အစိုးရသတင်းရင်းမြစ်တွေကို ကိုးကားပြီး Yomiuri သတင်းစာကရေးသားဖော်ပြခဲ့ပါတယ်။

စက်တင်ဘာလ(၂၅)ရက်နေ့မှာ ဂျပန်ကိုယ်ပိုင်ကာကွယ်ရေးတပ်ဖွဲ့ရဲ့ ဖျက် သင်္ဘော Sazanami ဟာ အရှေ့တရုတ်ပင်လယ်ကနေ ထိုင်ဝမ်ရေလက် ကြားကိုဝင်ရောက်ခဲ့ပြီး တောင်ဘက်ခြမ်းကို အချိန်(၁ဝ)နာရီကျော်ခန့်ဖြတ်သန်းသွားလာခဲ့တယ်လို့ ဂျပန်သတင်းစာ Yomiuri က စက်တင်ဘာလ (၂၆)ရက်နေ့မှာ ရေးသားဖော်ပြခဲ့ပါတယ်။ ဂျပန်ဖျက်သင်္ဘော Sazanami ဟာ ဩစတြေးလျနဲ့နယူးဇီလန်နိုင်ငံတို့ရဲ့ ရေတပ်သင်္ဘောတွေနဲ့အတူ ထိုင်ဝမ်ရေလက်ကြားကို ဖြတ်သန်းသွားလာခဲ့တာဖြစ်တယ်လို့ Yomiuri သ တင်းစာက ဖော်ပြခဲ့ပါတယ်။ ဂျပန်ကိုယ်ပိုင်ကာကွယ်ရေးတပ်ဖွဲဟာ အဲဒီအစီရင်ခံစာနဲ့ပတ်သက်ပြီး မှတ်ချက်ပေးဖို့ ငြင်းဆိုခဲ့တယ်လို့လည်း သိရပါတယ်။

ပြီးခဲ့တဲ့နှစ်တွေအတွင်း ထိုင်ဝမ်ကျွန်းနဲ့ဂျပန်နိုင်ငံ အနီးတစ်ဝိုက်မှာ တရုတ်ရဲ့စစ်ရေးလှုပ်ရှားမှုတွေ တိုးမြင့်လာတာဟာ ဂျပန်နိုင်ငံကို စိုးရိမ်ပူပန်မှုတွေမြင့်တက်လာစေခဲ့တယ်လို့လည်း သိရပါတယ်။ ဂျပန်အစိုးရဟာ တရုတ်ရဲ့ စစ်ရေးအရ ဖိအားပေးမှုတွေကို ဟန့်တားဖိုအ့တွက် ရည်ရွယ်ထားတဲ့ ကာကွယ်ရေးဆိုင်ရာတည်ဆောက်မှုတွေကို လုပ်ဆောင်ခဲ့ပြီး ပြန်လည်လက်တုံ့ပြန်ခဲ့တယ်လို့လည်း သိရပါတယ်။ တရုတ်နိုင်ငံဟာ ပစိဖိတ်သမုဒ္ဒရာအတွင်း တိုက်ချင်းပစ်ပဲ့ထိန်းဒုံးကျည်တစ်စင်းကို စမ်းသပ်ပစ်လွှတ်ခဲ့တဲ့နေ့မှာပဲ ဂျပန်ဖျက်သင်္ဘောရဲ့ ထိုင်ဝမ်ရေလက်ကြားကို ကင်းလှည့်မှုထွက်ပေါ်လာတာလည်းဖြစ်ပါတယ်။ ဒါ့ပြင် ဒီစမ်းသပ်ပစ်လွှတ်မှုဟာ နှစ်စဉ်စစ်ရေးလေ့ကျင့်မှုရဲ့ တစ်စိတ်တစ်ပိုင်းဖြစ်တယ်လို့ တရုတ်ကာကွယ်ရေးဝန်ကြီးဌာနက ပြောကြားခဲ့ပါတယ်။