Pika (NSS) - စက်တင်ဘာ ၂၆

အမေရိကန်နိုင်ငံ အိုင်ဒါဟိုပြည်နယ်တွင်နေထိုင်သည့် အမျိုးသားတစ်ဦးသည် အချိန်တစ်မိနစ်အတွင်း သတ္တုဆူးချွန်(၂၈)ချောင်းကို မြှားပစ်ရာတွင်အသုံးပြုသည့် ပစ်မှတ်ကိုထိမှန်အောင် အောင်မြင်စွာပစ်ပြခဲ့ပြီးနောက် ၎င်း၏ဂင်းနစ်စံချိန်ကို ပြန်လည်ရယူခဲ့ကြောင်းသိရသည်။

YouTube ပေါ်တွင် Record Breaker Rush ဟုခေါ်သော ဒေးဗစ်ရပ်ရှ်ဆိုသည့်အမျိုးသားသည် ၂၀၂၀ ခုနှစ်တွင် အချိန်တစ်မိနစ်အတွင်း သတ္တုဆူးချွန်(၁၉)ချောင်းကို ပစ်မှတ်သို့ထိမှန်အောင်ပစ်ပြခဲ့ပြီးနောက် ကမ္ဘာ့ဂင်းနစ်စံချိန်ချိုးဖျက်နိုင်ခဲ့ဖူးကြောင်း သိရသည်။ သို့သော်လည်း နောက်ပိုင်းတွင် အမျိုးသားတစ်ဦးသည် အချိန်တစ်မိနစ်အတွင်း သတ္တုဆူးချွန်(၂၁)ချောင်းကို ပစ်မှတ်သို့ထိမှန်အောင်ပစ်ပြခဲ့ပြီးနောက် ဒေးဗစ်ရပ်ရှ်၏စံချိန်ကို ချိုးဖျက်ခဲ့ကြောင်းသိရသည်။ 

ထို့နောက် ဒေးဗစ်ရပ်ရှ်သည် ၎င်း၏စံချိန်ကို ပြန်လည်ရယူရန်အတွက် ကြိုး ပမ်းရန် ဆုံးဖြတ်ခဲ့ကြောင်းလည်း သိရသည်။ အဆိုပါပစ်မှတ်နှင့် (၁၃)ပေအကွာတွင်ရပ်ကာ ပစ်မှတ်ကိုထိမှန်အောင်ပစ်ရသည်မှာ ခက်ခဲကြောင်း ဒေးဗစ်ရပ်ရှ်က ပြောကြားခဲ့သည်။ ထို့ပြင် ဂင်းနစ်စံချိန်မှတ်တမ်း၏ စံညွှန်းများကိုမှီရန်အတွက် ပစ်မှတ်၏အတွင်းအကျဆုံးအရောင်နှစ်ရောင်ကို ထိမှန်အောင်ပစ်ရန်လိုအပ်ကြောင်းလည်း သိရသည်။ အဆိုပါ ဂင်းနစ်စံချိန်ကို ပြန်လည်ရယူရန်အတွက် ကြိုးပမ်းမှုအတွင်း ပထမဆုံးအချက်မှာ ပစ်မှတ် ၏အလယ်တည့်တည့်ကိုထိမှန်ခဲ့ပြီး ကောင်းမွန်သောပစ်ချက်ဖြင့် စတင်နိုင်ခဲ့ကြောင်း ဒေးဗစ်ရပ်ရှ်ကပြောကြားခဲ့သည်။ ထို့နောက် ဒေးဗစ်ရပ်ရှ်သည် အချိန်တစ်မိနစ်အတွင်း သတ္တုဆူးချွန်(၂၈)ချောင်းကို ပစ်မှတ်သို့အောင်မြင်စွာပစ်ပြခဲ့ပြီး ၎င်း၏စံချိန်ကို အောင်မြင်စွာပြန်လည်ရယူနိုင်ခဲ့သည်။