ရောင်နီ (NSS) - စက်တင်ဘာ ၂၃

EXO အဖွဲ့ဝင် ဒိုကွမ်ဆို (D.O.) ရဲ့အေဂျင်စီက D.O နဲ့ပတ်သက်ပြီး ညစ်ညမ်းတဲ့ပိုစ့်တွေနဲ့ ကောလဟာလ ပြောဆိုသူ တွေကို တရားဥပဒေအရ အရေးယူသွားမယ်လို့ ပြောကြားခဲ့ပါတယ်။ 

ဒီအကြောင်းကို D.O ရဲ့အေဂျင်စီ Soosoo က စက်တင်ဘာလ ၂၀ ရက်မှာ ကြေညာချက်ထုတ်ပြန်ခဲ့တာ ဖြစ်ပါတယ်။ 

"ကျွန်တော်တို့ဟာ ကျွန်တော်တို့ရဲ့အနုပညာရှင်ကို အသရေဖျက်မှု၊ လိမ်လည်လှည့်ဖြားမှုများ (သို့မဟုတ်) ပုဂ္ဂိုလ်ရေးဆိုင်ရာ တိုက်ခိုက်မှုများ၊ စော်ကားမှုများနဲ့ သရေဖျက်တဲ့ မသမာတဲ့ပို့စ်တွေကို ပြင်းပြင်းထန် ထန်အရေးယူဖို့ စီစဉ်ထားပါတယ်။ အချိန်နဲ့ တပြေးညီ စောင့်ကြည့်စစ်ဆေးမှုနဲ့ အစီရင်ခံစာများမှ တစ်ဆင့် ကျွန်တော်တို့ရဲ့အနုပညာရှင်နဲ့ပတ်သက်တဲ့စော်ကားပုတ်ခတ်ခြင်း၊ အသရေဖျက်ခြင်းဆိုင်ရာ မသမာတဲ့ ဆိုရှယ် မီဒီယာပို့စ်တွေကို အွန်လိုင်းမှာ စဉ်ဆက်မပြတ်တင်နေကြတာကို ကျွန်တော်တို့ တွေ့ရှိ အတည်ပြုထားပါတယ။ ဒါကြောင့် ကျွန်တော်တို့ဟာ ဆက်စပ်အထောက်အထားတွေနဲ့ပစ္စည်းတွေကို စုဆောင်းနေပြီး ဒီလိုပြောဆိုမှုတွေကို ဆက်လက် လျစ်လျူမရှုနိုင်တော့ကြောင်း ဆုံးဖြတ်လိုက်ပါတယ်။ ဒါကြောင့် ကျွန်တော်တို့ဟာ ကျွန်တော်တို့ အနုပညာရှင်ရဲ့အခွင့်အရေးတွေကို ကာကွယ်ဖို့အတွက်  မလိုလားအပ်တဲ့ပို့စ်တွေနဲ့ပတ်သက်တဲ့ အထောက် အထားတွေကို စုဆောင်းဖို့နဲ့အခြေအနေကို စောင့်ကြည့်ဖို့ အစွမ်းကုန် လုပ်ဆောင်သွားမှာဖြစ်ပါတယ်။ ဒါ့အပြင် D.O ရဲ့ပရိသတ်များအနေနဲ့လည်း အန္တရာယ်ရှိတဲ့ ပို့စ်များ (သို့မဟုတ်) ပုဂ္ဂိုလ်ရေးဆိုင်ရာတိုက်ခိုက်မှုများနဲ့ စော်ကားမှုတွေလို ရာဇဝတ်မှုဆိုင်ရာလုပ်ဆောင်ချက်တွေ တွေ့ရှိရင် ကျွန်တော်တို့ရဲ့တရားဝင်အီးမေးလ်လိပ်စာ (clean@companysoosoo.com) ကို တိုင်ကြားနိုင်ပါတယ်" လို့ ပြောကြားထားပါတယ်။ 

EXO အဖွဲ့ဝင် D.O ဟာ လူကြိုက်များတဲ့ idol တစ်ယောက်ဖြစ်သလို single songs သီချင်းတွေနဲ့ အောင်မြင်မှုတွေ ရရှိထားပြီး Pure Love၊ My Annoying Brother၊ 100 days my Prince ဇာတ်ကားတွေနဲ့ သရုပ်ဆောင်ပိုင်းမှာလည်း ပရိသတ် အသိအမှတ်ပြုမှုကို ရရှိထားပါတယ်။