Pika (NSS) - စက်တင်ဘာ ၁၉ 

တောင်ကိုရီးယားအမျိုးသားအဆိုတော်အဖွဲ့ Super Junior အဖွဲ့ဝင်တစ်ဦးဖြစ်သူ Sungmin နှင့် ရုပ်ရှင် သရုပ်ဆောင် Kim Sa-eun တို့သည် အိမ်ထောင်သက်(၁၀)နှစ်အကြာတွင် ၎င်း၏ ပထမဆုံးသားဦးလေးကို အောင်မြင်စွာမွေးဖွားနိုင်ခဲ့ပြီဖြစ်ကြောင်း သိရသည်။

Sungmin သည် Po Po ဟု နာမည်ပြောင်ပေးထားသည့် ၎င်း၏သားဦးလေး၏ ဓါတ်ပုံများကို အင်စတာဂရမ်တွင် မျှဝေခဲ့ကြောင်းသိရသည်။ Sungmin က "Po Po ကျန်းကျန်းမာမာနဲ့ မွေးဖွားလာနိုင်ဖို့ ဆုတောင်းပေးခဲ့တဲ့လူတွေ အားလုံးကို ကျေးဇူးတင်ပါတယ်။ မိခင်ရော၊ ကလေးရော ကျန်းကျန်းမာမာပဲရှိနေပါတယ်။ ကျွန်တော်သူ့ကို အချစ်တွေနဲ့အတူ အကောင်းဆုံးပြုစုပျိုးထောင်သွားမှာပါ" ဟု ရေးသားခဲ့သည်။

တောင်ကိုရီးယားမီဒီယာများ၏ ဖော်ပြချက်အရ Kim Sa-eun သည် ၎င်း၏ သားဦးလေးကို ခွဲကာ မွေးခဲ့ခြင်းဖြစ် ကြောင်းလည်း သိရသည်။ ပြီးခဲ့သည့်စက်တင်ဘာလ(၁၄)ရက်က တင်ထားသောပို့စ်တစ်ခုတွင် သားဦးလေးနှင့် ပတ်သက်ပြီး စိတ်လှုပ်ရှားနေသည့် Kim Sa-eun ကို တွေ့မြင်ခဲ့ရသည်။ Kim Sa-eun က "အမြန်ဆုံးပြန်လည် ကောင်းမွန်လာပြီး လမ်းပြန်လျှောက်နိုင်ဖို့ ကျွန်မမျှော်လင့်ထားပါတယ်။ ဒီအချိန်အထိ ကျွန်မ Po Po ကို မတွေ့ရသေးပါဘူး။ ကျွန်မ နေမြန်မြန်ပြန်ကောင်းလာမှ Po Po ကို သွားတွေ့နိုင်မှာပါ" ဟု ပြောကြားခဲ့သည်။

Sungmin နှင့် Kim Sa-eun တို့သည် ပြီးခဲ့သည့် ၂ဝ၁၄ ခုနှစ်တွင် ဂီတပွဲတစ်ခုမှာ တွေ့ဆုံခဲ့ပြီးနောက် ချစ်ကြိုက်ခဲ့တာ လက်ထပ်ခဲ့ကြခြင်းဖြစ်သည်။ Super Junior အဖွဲ့ဝင်ဖြစ်နေသော်လည်း Sungmin သည် အဖွဲ့မှ အချိန်အတော်ကြာ အနားယူနေခဲ့ကြောင်းလည်း သိရသည်။ သို့သော်လည်း Sungmin သည် ပြီးခဲ့သည့်မေလတွင် Super Junior အဖွဲ့ဝင် Ryeowook ၏ မင်္ဂလာဆောင်တွင် အဖွဲ့ဝင်ဟောင်းများအပြင် လက်ရှိ အဖွဲ့ဝင်များ အားလုံးနှင့် ပြန်လည်ပေါင်းစည်းခဲ့ကြောင်းလည်း သိရသည်။