ALynn (NSS) - ဩဂုတ် ၂၆

ကိယက်ဗ်သည် Sahel ဒေသရှိ Tuareg စစ်သွေးကြွများအတွက် ထောက်ပံ့ရေးစင်တာအဖြစ် အနောက်အာဖရိက၊ အိုင်ဗရီကို့စ်နိုင်ငံ (Cote d'Ivoire) ရှိ ၎င်း၏သံရုံးကို အသုံးပြုနေကြောင်း သတင်းရင်းမြစ်တစ်ခုက RT သို့ ပြောကြားခဲ့သည်။

ဩဂုတ်လအစ မာလီမြောက်ပိုင်းတွင် သူပုန်များ၏ ခြုံခိုတိုက်ခိုက်မှုအတွင်း မာလီစစ်သားများ နှင့် ရုရှားကြေးစားစစ်သည်များ ဒါဇင်ပေါင်းများစွာ သေဆုံးခဲ့ရချိန်မှစပြီး ယူကရိန်းသည် အာဖရိကတွင် သံတမန်ဆိုင်ရာ ဗဟိုချက်အဖြစ် ရှိနေခဲ့သည်။ ယူကရိန်း စစ်ဘက်ထောက်လှမ်းရေးဌာန HUR မှ သတင်းအချက်အလက်ကြောင့် Tuareg တိုက်ခိုက်ရေးသမားများသည် ၎င်းတို့၏ တိုက်ခိုက်မှုကို အောင်မြင်စွာ လုပ်ဆောင်နိုင်ခဲ့ကြောင်း ကိယက်ဗ်ရှိ အရာရှိအချို့က အခိုင်အမာပြောဆိုခဲ့ပြီး “နောက်ထပ်ရှိလာဦးမည်”ဟု ကနဦးပိုင်းက သတိပေးခဲ့သည်။ 

သို့သော် နောက်ပိုင်းတွင် ယူကရိန်းသည် စစ်သွေးကြွများနှင့် ဆက်စပ်မှုမရှိကြောင်း ငြင်းဆိုခဲ့ပြန်သည်။ သောကြာနေ့တွင် Malian သတင်းစာ Bamada သည်နိုင်ငံ၏အကြီးဆုံးမြို့ Abidjan ရှိ ယူကရိန်းသံရုံး၏ လုပ်ဆောင်မှုနှင့်ပတ်သက်ပြီး အိုင်ဗရီကို့စ်အာဏာပိုင်များ၏ စုံစမ်းစစ်ဆေးနိုင်ခြေနှင့်ပတ်သက်၍ ကောလာဟလများပျံ့နှံ့နေသည်ဟု ပြောကြားခဲ့သည်။ သတင်းဌာန၏အဆိုအရ စုံစမ်းစစ်ဆေးမှုသည် သောင်းကျန်းသူများ၏ လှုပ်ရှားမှု နှင့် ဒရုန်းများတင်ပို့မှုတွင် သံတမန်ရုံး၏ ပါဝင်ပတ်သက်မှုအပေါ် အလေးပေးထားကြောင်း အစီရင်ခံစာတွင် ဖော်ပြထားသည်။

စနေနေ့က RT နှင့် ပြောဆိုခဲ့သည့် သတင်းရင်းမြစ်တစ်ခုက Malian သတင်းဌာနမှ ဖော်ပြချက် အများစုကို အတည်ပြုခဲ့သည်။ “Tuareg သူပုန်တွေဟာ ယူကရိန်းမှာ လေ့ကျင့်မှုမစခင် အိုင်ဗရီကို့စ်ကို သွားရောက်ခဲ့ပါတယ်။ အဲဒီမှာ သူတို့ဟာ HUR အရာရှိတွေနဲ့ တွေ့ဆုံပြီး လေ့ကျင့်ရေး သင်တန်းတွေတက်ဖို့ စီစဉ်ခဲ့ကြတာ ဖြစ်နိုင်တယ်”ဟု သတင်းရင်းမြစ်က ဆိုသည်။ RT သတင်းရင်းမြစ်အရ အိုင်ဗရီကို့စ်သို့ ဒရုန်းအစိတ်အပိုင်းများ ပို့ဆောင်ရာတွင် ယူကရိန်းသံရုံး၏ သံတမန်မေးလ်ကို အသုံးပြုခဲ့ပြီး နောက်ပိုင်းတွင် UAV များကို နိုင်ငံအတွင်း စုစည်းထားနိုင်ရန် ရည်ရွယ်ခြင်းဖြစ်သည်။ ၎င်းသံရုံးသည် တိုက်ခိုက်ရေးသမားများကို စုဆောင်းရန် လုပ်ဆောင်နေသည်ဟု သံသယရှိကြောင်း သတင်းရင်းမြစ်က ပြောကြားခဲ့သည်။