ရောင်နီ (NSS) - ဩဂုတ် ၂ဝ

          ဖိလစ်ပိုင်နိုင်ငံမှာ ၂၀၂၄ ခုနှစ်ရဲ့ ပထမဆုံး မျောက်ကျောက် ဗိုင်းရပ်စ် (mpox) ကူးစက်ခံရသူအသစ်ကို တွေ့ရှိလာခဲ့တယ်လို့ ကျန်းမာရေးဌာနက တနင်္လာနေ့ (သြဂုတ်လ ၁၉ ရက်)မှာ ပြောကြားခဲ့ပါတယ်။ 

          အဆိုပါလူနာဟာ ဖိလစ်ပိုင်နိုင်ငံပြင်ပ ခရီးသွားရာဇဝင်မရှိတဲ့ အသက် ၃၃ နှစ်အရွယ် ဖိလစ်ပိုင် အမျိုးသားတစ်ဦးဖြစ်တယ်လို့ သိရပါတယ်။ ဒါပေမဲ့ အခုတွေ့ရတဲ့ မျောက်ကျောက်ရောဂါ(mpox) ဟာ ဒီအာကွန် ဂိုနိုင်ငံမှာ ကူးစက်ပျံ့နှံ့နေတဲ့ မျောက်ကျောက်ရောဂါ(mpox) လို ဗားရှင်းအသစ် ဟုတ်၊ မဟုတ်ကိုတော့ ဆက်လက် စစ်ဆေးနေဆဲဖြစ်ပြီး အဖြေကို သိရတာနဲ့ ချက်ချင်းအသိပေးမယ်"လို့ ပြောရေးဆိုခွင့်ရှိသူ အဲလ်ဘတ်ဒို မင်ဂိုက ပြောကြားခဲ့ပါတယ်။

            ကွန်ဂိုဒီမိုကရက်တစ် သမ္မတနိုင်ငံမှာ ကူးစက်ဖြစ်ပွားနေတဲ့ mpox ဗိုင်းရပ်စ်ရဲ့ ပုံစံအသစ်ဟာ ပုံမှန်အနီးကပ် ထိတွေ့မှုကနေ တစ်ဆင့် အလွယ် တကူ ကူးစက်ပျံ့နှံ့သွားနိုင်တာကြောင့် တစ်ကမ္ဘာလုံးဆိုင်ရာ စိုးရိမ်ပူပန်မှုကို ဖြစ်ပေါ်စေပါတယ်။  ဒါ့ပြင် ဆွီဒင်နိုင်ငံမှာ mpox မျိုးကွဲအသစ်ကို ကြာသပ တေးနေ့(ဩဂုတ် ၁၅ ရက်)က တွေ့ရှိကြောင်း အတည်ပြုခဲ့ပြီး ပါကစ္စတန်နိုင်ငံမှာလည်း ပင်လယ်ကွေ့နိုင်ငံမှပြန်လာတဲ့ လူနာတစ်ဦးမှာ mpox ဗိုင်း  ရပ်စ်ကူးစက်မှု အနည်းဆုံးတစ်မှုကို သောကြာနေ့ (ဩဂုတ်လ ၁၆ ရက်) က တွေ့ရှိခဲ့တယ်လို့ သိရပါတယ်။