ရောင်နီ (NSS) - ဩဂုတ် ၂ဝ

           တောင်ကိုရီးယား မင်းသား ဂျောင်ကွမ်ဆော့ခ်ဟာ သိုင်းရွိုက်ကင်ဆာရောဂါကြောင့် ကုသမှုခံယူနေရပြီး မကြာသေးခင်ကမှ ခွဲစိတ်ထားရတယ်လို့ ဖွင့်ဟပြောကြားလာခဲ့ပါတယ်။ 

           အသက် ၃၇ နှစ်အရွယ် မင်းသားချောတစ်ဦးဖြစ်သူ ဂျောင်ဂွမ်ဆော့ခ်ဟာ သောကြာနေ့ (သြဂုတ်လ ၁၆ ရက်)က ၎င်းရဲ့ YouTube စာမျက်နှာမှာ ဖော်ပြခဲ့တာပါ။ ဗီဒီယိုထဲမှာတော့ ဂျောင်က သူဟာ လွန်ခဲ့တဲ့ တစ်နှစ်လောက်က သိုင်းရွိုက်ကင်ဆာရောဂါရှိနေတာစသိခဲ့ရပြီး ပရိသတ်ကို စိတ်မပူစေချင်တာကြောင့် အဲဒီသတင်းကို လူသိရှင်ကြားမပြောပြခဲ့မိဘူးလို့ ပြောကြားခဲ့ပါတယ်။ ဂျောင်ဟာ လွန်ခဲ့တဲ့ နှစ်ပတ်လောက်က ခွဲစိတ်ကုသမှု ခံယူခဲ့ရပြီး ရှစ်ရက်ကျော်ကြာအောင် ခန္ဓာကိုယ်က ကောင်းကောင်းမလှုပ်ရှားနိုင်ခဲ့ဘူး"လို့ ဗီဒီယိုမှာ ပြောကြားခဲ့ပါတယ်။ 

       ဂျောင်ကွမ်ဆော့ခ်ဟာ ၂၀၀၉ ခုနှစ်က ထွက်ရှိတဲ့ "You're Beautiful" ၂၀၁၂ ခုနှစ်က ထွက်ရှိတဲ့ "Love Rain" နဲ့ ၂၀၁၃ ခုနှစ်က ထွက်ရှိတဲ့ "Bel Ami" အပါအဝင် တောင်ကိုရီးယား ဒရာမာများစွာမှာ သရုပ်ဆောင်ထားပြီး ၎င်းရဲ့ချောမောလှပတဲ့ မျက်နှာနဲ့ကျွမ်းကျင်တဲ့ သရုပ်ဆောင်စွမ်းရည်ကြောင့် နာမည်ကျော်တဲ့ မင်းသားတစ်လက် ဖြစ်ပါတယ်။