Pika (NSS) - ဇူလိုင် ၈ 

  အငြင်းပွားတောင်တရုတ်ပင်လယ်အတွင်း တရုတ်ကမ်းခြေစောင့်တပ်ဖွဲ့များက တိုက်ခိုက်မှုများထပ်မံလုပ်ဆောင်ခဲ့မည်ဆိုပါက ဖိလစ်ပိုင်တပ်ဖွဲ့ဝင် များက လက်တုံ့ပြန်တိုက်ခိုက်မှုများလုပ်ဆောင်သွားမည်ဖြစ်ကြောင်း ဖိလစ်ပိုင်စစ်ဦးစီးချုပ် Romeo Brawner Jr က ဇူလိုင်လ(၄)ရက်နေ့တွင် ထုတ်ပြန်ပြောဆိုခဲ့သည်။ 

ပြီးခဲ့သည့်ဇွန်လ(၁၇)ရက်နေ့ကSec ond Thomas Shoal ကျွန်းအနီးတွင် တရုတ် ကမ်းခြေစောင့်သင်္ဘောနှင့် ဖိလစ်ပိုင်ရေတပ်သင်္ဘော တို့ တိုက်မိမှုဖြစ်ပွားခဲ့ဖူးကြောင်းသိရသည်။ ထို့ပြင် ပျက်စီးပွားသော ရေတပ်သင်္ဘောနှစ်စင်းအတွက် လျော်ကြေးအမေရိကန်ဒေါ်လာ(၁)သန်း ပေးဆောင် ရန်နှင့် တရုတ်ကမ်းခြေစောင့်တပ်ဖွဲ့များသိမ်းဆည်းသွားသော ရိုင်ဖယ်(၇)လက်ကို ပြန်လည်ပေးအပ်ရန် Romeo Brawner Jr က တရုတ်အစိုးရကို တောင်း ဆိုခဲ့ကြောင်းသိရသည်။

   ဖိလစ်ပိုင်အရာရှိများသည် တရုတ်ကိုယ် စားလှယ်အဖွဲ့နှင့် မနီလာမြို့တွင်တွေ့ဆုံစဉ်အချိန် အတွင်း အဆိုပါဖြစ်ရပ်များကို ဆန့်ကျင်ကန့်ကွက် ကြောင်းနှင့်တောင်းဆိုမှုများကို ထပ်မံပြောကြားခဲ့ ကြောင်းသိရသည်။ အဆိုပါတောင်းဆိုချက်များကို တရုတ်ကိုယ်စားလှယ်အဖွဲ့က ချက်ချင်းပြန်လည်တုံ့ ပြန်ခြင်းမျိုးမရှိသေးကြောင်း အမည်မဖော်လိုသည့် ဖိလစ်ပိုင်အရာရှိတစ်ဦးက ပြောကြားခဲ့သည်။ 

ထို့ပြင် တရုတ်ကမ်းခြေစောင့်သင်္ဘောက ဝင်တိုက်မှုအတွင်း ညာဘက်လက်မကိုဆုံးရှုံးခဲ့သော ဖိလစ်ပိုင်ရေတပ်အဖွဲ့ဝင်တစ်ဦး၏ လက်ကိုခွဲစိတ် ရန်စီစဉ်ထားသည့်ကုန်ကျစရိတ်ကိုလည်း ပေဆောင်ရန် တရုတ်အစိုးရကို ဖိလစ်ပိုင်စစ်တပ်က တောင်းဆိုသင့်ကြောင်းRomeo Brawner Jr က ပြောကြားခဲ့ သည်။ ၎င်းက "ကျွန်တော်တို့လုပ်ရမှာက ကိုယ့်ကိုယ်ကိုယ်ကာကွယ်ဖို့အတွက် တူညီတဲ့အင်အားအတိုင်း လက်တုံ့ပြန်မှုတွေကို လုပ်ဆောင်ရမှာပါ။ ဥပမာ အ နေနဲ့သူတို့ဘက်က ဓားကိုသုံးမယ်ဆိုရင် ကျွန်တော် တို့တပ်ဖွဲ့တွေလည်း ဓားကိုအသုံးပြုသွားမှာပါ။ တိုက် ခိုက်မှုတွေထပ်မံဖြစ်ပွားခဲ့မယ်ဆိုရင် ကျွန်တော်တို့ ဘက်ကလည်း ပြန်လည်တိုက်ခိုက်သွားမှာပါ" ဟုပြောဆိုခဲ့သည်။