Pika (NSS) - ဇူလိုင် ၈ 

ကနေဒါနိုင်ငံတွင်ကျင်းပသောရွေးကောက်ပွဲတွင် ကိုယ်စားလှယ်လောင်း အမျိုးသားတစ်ဦးသည် နိုင်ငံသမိုင်းတစ်လျှောက် ဖက်ဒရယ်ရွေးကောက်ပွဲတွင် ဆန္ဒမဲတစ်မဲမှမရရှိခဲ့သည့် ပထမဆုံးသော ရွေးကောက်ပွဲကိုယ်စားလှယ်လောင်းဖြစ်လာခဲ့ကြောင်း သိရသည်။

        Félix-Antoine Hamel ဟုအမည် ရသောအမျိုးသားသည် တိုရွန်တိုမြို့ ကြားဖြတ်ရွေး ကောက်ပွဲတွင်ဝင်ရောက်ယှဉ်ပြိုင်မည့် ကိုယ်စားလှယ်လောင်း(၈၄)ဦးထဲမှတစ်ဦးဖြစ် ကြောင်း သိရသည်။ သို့သော်လည်း Félix-Antoine Hamel သည် ကြားဖြတ်ရွေးကောက်ပွဲတွင် ဆန္ဒမဲ တစ်မဲမှမရရှိခဲ့သည့် တစ်ဦးတည်းသော ကိုယ်စားလှယ်လောင်းဖြစ်လာခဲ့ကြောင်းသိရသည်။ Félix-Antoine Hamel က ၎င်းသည် တိုရွန်တိုမြို့ခံမဟုတ်သောကြောင့် ကိုယ့်ကိုယ်ကိုယ်ပင် မဲမထည့်ခဲ့ကြောင်း ပြောကြားခဲ့သည်။ ၎င်းက " ရလဒ်တွေကိုမြင်တဲ့အချိန်မှာ ကျွန်တော်က စစ်မှန်တဲ့စည်းလုံးညီညွတ်ရေး ကိုယ်စားလှယ်လောင်းပဲလို့တွေးလိုက်မိပါတယ်။ လူတိုင်းက ကျွန်တော့်ကိုမဲမထည့်ဖို့ သဘောတူညီကြတာ ပဲလို့ တွေးမိပါတယ် "ဟု ပြောဆိုခဲ့သည်။

      Félix-Antoine Hamel သည် နိုင်ငံ သမိုင်းတစ်လျှောက် ရွေးကောက်ပွဲတွင် ဆန္ဒမဲတစ်မဲမှ မရရှိခဲ့သည့် ပထမဦးဆုံးကိုယ်စားလှယ်လောင်းဖြစ်ကြောင်း လွှတ်တော်စာကြည့်တိုက် ဒေတာဘေ့စ်များ ကအတည်ပြုခဲ့သည်။ အဆိုပါရွေးကောက်ပွဲတွင် အခြားကိုယ်စားလှယ်လောင်း(၆)ဦးသည် တစ်ဦးလျှင် ဆန္ဒမဲ(၂)မဲသာရရှိခဲ့ကြောင်းလည်းသိရသည်။