ရောင်နီ (NSS) - ဧပြီ ၁ဝ

           ၂၀၂၄ ခုနှစ် တောင်တက်ရာသီ စတင်တော့မှာဖြစ်တာကြောင့် နီပေါနိုင်ငံဟာ ဧဝရတ်တောင် အမြင့်ဆုံးအပိုင်းအထိ ကြွင်းကျန်ရှိနေတဲ့ အမှိုက်တွေကို ဖယ်ရှားဖို့ ပရောဂျက်တစ်ခု လုပ်ဆောင်နေပါတယ်။ 

         နီပေါစစ်တပ်ရဲ့အဆိုအရ တောင်တန်း အမှိုက်ရှင်းလင်းရေးလှုပ်ရှားမှု မှတ်တမ်းတွေမှာ ကြည့်မယ်ဆိုရင် အစီအစဉ်စတင်ချိန်မှစ အခုအချိန်ထိအတွင်း ၂၀၁၉ ခုနှစ်နဲ့ ၂၀၂၃ ခုနှစ်အ ကြားထွက်ရှိခဲ့တဲ့ အမှိုက်တန်ချိန်ဟာ ၁၁၀ တန်အထိရှိတယ်လို့ သိရပါတယ်။ ယခင်က နိုင်ငံစုံအမှတ်တံဆိပ် Unilever နဲ့ ပူးပေါင်းပြီး ဧဝရက်တောင် သန့်ရှင်းရေး လုပ်ဆောင်နေကျဖြစ်ပေမယ့် နီပေါက ယခုနှစ်မှာတော့ ၎င်းတို့ရဲ့ ကိုယ်ပိုင်ကမ်ပိန်းကို လုပ်ဆောင်မယ်လို့ သိရပါတယ်။ 

18 Sherpas မှ ပံ့ပိုးကူညီထားတဲ့ စစ်တပ်အဖွဲ့ဝင် ၁၂ ဦးဟာ သန့်ရှင်းရေးအတွက် ဧပြီလ ၁၄ ရက်နေ့မှာ ဧဝရတ်တောင်ခြေစခန်းသို့ ရောက်ရှိမှာဖြစ်ပြီး ခန့်မှန်းခြေ ၁၀ တန်ခန့် ရှိမယ့် အမှိုက်တွေကို ဖယ်ရှားခြင်းအပြင် ၂၀၂၃ ခုနှစ်က တောင်တက်ရင်း သေဆုံးခဲ့တဲ့ လူသေအလောင်းငါးလောင်းကို တောင်ပေါ်မှ သယ်ထုတ်လာဖို့လည်း စီစဉ်ထားတယ်လို့ စစ်တပ်က ထုတ်ပြန်ခဲ့ပါတယ်။

လက်ရှိမှာတော့ မကြာမီစတင်မယ့် တောင်တက်ရာသီအတွက် အမြင့် ၈,၈၄၉ မီတာရှိ ဧဝရက်တောင်ထိပ်ကိုတက်ဖို့ ကြိုးစားချင်သူ အများအပြားရှိနေပါတယ်။ ပြီးခဲ့တဲ့နှစ်က နီပေါအစိုးရက ဧဝရတ်တောင်တက်ခွင့် စံချိန်တင် ၄၇၈ ထိ ခွင့်ပြုခဲ့ခြင်းကြောင့် စွန့်ပစ်အမှိုက် အလွန်အကျွံ များပြားလာခဲ့ပြီး ဧဝရက်တောင်ကို ညစ်နွမ်းစေခဲ့ပါတယ်။