Pika (NSS) - ဧပြီ ၉

ကမ္ဘာလုံးဆိုင်ရာ ပထဝီဝင်နိုင်ငံရေး တင်းမာမှုများ မြင့်တက်လာခြင်း နှင့် ပြည်တွင်း၌ နိုင်ငံရေးအရ သဘောထားကွဲလွဲမှုများကြောင့် အမေရိကန်နိုင်ငံသည် အဆိုးရွားဆုံးအန္တရာယ်များနှင့် ရင်ဆိုင်နေရကြောင်း JPMorgan Chase ကုမ္ပဏီ အမှုဆောင်အရာရှိချုပ် ဂျေမီဒီမွန်က သတိပေးပြောဆိုခဲ့သည်။

ဂျေမီဒီမွန်က 'အမေရိကန်ရဲ့ ကမ္ဘာလုံးဆိုင်ရာခေါင်းဆောင်မှု အခန်းကဏ္ဍကို အခြားနိုင်ငံတွေနဲ့ အမေရိကန်နိုင်ငံတွင်းမှာရှိတဲ့ မဲဆန္ဒရှင်တွေက စိန်ခေါ်မှုတွေ လုပ်ဆောင်နေပါပြီ။ မတူညီကွဲပြားမှုတွေကို ဘေးဖယ်ထားဖို့ နည်းလမ်းတွေကို ရှာဖွေပြီး ဒီမိုကရေစီနည်းလမ်းနဲ့ အခြား အနောက်အုပ်စုနိုင်ငံတွေနဲ့ ပူးပေါင်းမှုတွေ လုပ်ဆောင်ဖို့လိုအပ်ပါတယ်။ ဒီလို အကျပ် အတည်းကာလအတွင်းမှာ ကျွန်တော်တို့ရဲ့ မရှိမဖြစ်လိုအပ်တဲ့ လွတ်လပ်ခွင့်ကို ကာကွယ်ဖို့အတွက် စည်းလုံးနေဖို့ကအရေးကြီးပါတယ်'ဟု ပြောဆိုခဲ့သည်။

ထို့ပြင် ပိုမိုကောင်းမွန်သော စီးပွားရေးသို့ ချဲ့ထွင်ခြင်း၊ ကမ္ဘာလုံးဆိုင်ရာထောက်ပံ့ရေးကွင်းဆက်များပြန်လည်ဖွဲ့စည်းခြင်း၊ စစ်အသုံးစရိတ်မြှင့်တင်ခြင်းနှင့်ကျန်းမာရေးစောင့် ရှောက်မှု ကုန်ကျစရိတ်များမြင့်တက်လာခြင်းတို့ကြောင့် အမေရိကန်အစိုးရအနေဖြင့် အသုံးစရိတ်များကို မြှင့်တင်ရန်လိုအပ်ကြောင်း အသက်(၆၈)နှစ်အရွယ် ဂျေမီဒီမွန်ကပြောကြားခဲ့သည်။ အနောက်အုပ်စုနိုင်ငံများက ငြိမ်သက်နေသည့်အချိန်တွင် တရုတ်နိုင်ငံသည် ၎င်း၏စီးပွားရေးလုံခြုံရေးကို ပိုမိုအာရုံစိုက်နေကြောင်း ဂျေမီဒီမွန်က ထပ်မံပြောကြားခဲ့သည်။ဂျေမီဒီမွန်က 'ပြီးခဲ့တဲ့နှစ်(၂၀)အတွင်းမှာ တရုတ်နိုင်ငံဟာ ကျွန်တော်တို့ထက် ပိုမိုပြီးပြည့်စုံတဲ့ စီးပွားရေးဗျူဟာကို အကောင်အထည်ဖော်နေပါတယ်'ဟု ပြောဆိုခဲ့သည်။