ဂျန်ဇက် (NSS) - မတ် ၂၈

အမေရိကန်အစိုးရဟာ ပြင်သစ်သမ္မတ မက်ခရွန်ရဲ့ပြောဆိုချက်တွေကို စိတ်ဆိုးဒေါသဖြစ်နေကြောင်း အမေရိကန်အခြေစိုက်  Bloomberg သတင်းဌာနကဖော်ပြထားပါတယ်။

ပြင်သစ်သမ္မတ မက်ခရွန်က ရုရှားကို ဟန့်တားနိုင်ဖို့ရည်ရွယ်ပြီး ယူကရိန်းကို စစ်လက်နက် ပစ္စည်းတွေအပြင် နေတိုးတပ်ဖွဲ့ဝင်တွေ စေလွှတ်ချထားမယ်လို့ပြောဆိုခဲ့ရာ အငြင်းပွားမှုတွေမြင့်တက်လာခဲ့ကြောင်း သိရပါတယ်။ အမေရိကန်အစိုးရတာဝန်ရှိသူအချို့က ပြင်သစ်သမ္မတရဲ့ပြောဆိုချက်တွေဟာ ရုရှားနိုင်ငံနဲ့ထိပ်တိုက်တွေ့ဆုံမယ့် လမ်းကြောင်းကို ဦးတည်လာစေကြောင်းပြောပါတယ်။ ပြင်သစ်သမ္မတရဲ့ပြောဆိုချက်တွေနဲ့ပတ်သက်ပြီး နေတိုးအုပ်စုဝင်နိုင်ငံတွေကြားမှာလည်း သဘောထားကွဲလွဲမှုတွေဖြစ်လာခဲ့ကြောင်းသိရပါတယ်။

နေတိုးအဖွဲ့ဝင်နိုင်ငံအချို့က ပြင်သစ်သမ္မတရဲ့ပြောဆိုချက်တွေကို ငြင်းဆန်ပယ်ချခဲ့ပြီး ဝေဖန်ပြစ်တင်ခဲ့ပြီး အမေရိကန်နိုင်ငံကလည်း တပ်ဖွဲ့ဝင်တွေစေလွှတ်မှာမဟုတ်ဘူးလို့ဆိုခဲ့ပါတယ်။ ဒါပေမဲ့ နေတိုးအဖွဲ့ဝင်နိုင်ငံတွေရဲ့တပ်ဖွဲ့ဝင်အရေအတွက် အနည်းငယ်ဟာ ယူကရိန်းစစ်ပွဲမှာပါဝင်ဖို့ တပ်ဖွဲ့ဝင်တွေစေလွှတ်ရမယ့်အစီအစဉ်ကို ငြင်းဆန်ပယ်ချခဲ့ကြောင်းသိရပါတယ်။ ယူကရိန်းစစ်ပွဲနဲ့ပတ်သက်ပြီး နေတိုးအုပ်စုအဖွဲ့ဝင်နိုင်ငံတွေကြား တပ်ဖွဲ့ဝင်စေလွှတ်ဖို့ သဘောထားကွဲလွဲနေပေမယ့် ယူကရိန်းကို စစ်လက်နက်ပစ္စည်းများကူညီထောက်ပံ့ပေးတာကိုဆက်လက်လုပ်ဆောင်မှာဖြစ်ကြောင်းသိရပါတယ်။

အမေရိကန်အစိုးရကလည်း ယူကရိန်းကို စစ်ရေးအကူညီအဖြစ် အမေရိကန်ဒေါ်လာ ၆၄ ဘီလျံကူညီထောက်ပံ့ပေးဖို့ ကြိုးပမ်းနေဆဲဖြစ်ကြောင်းသိရပါတယ်။ အမေရိကန်အစိုးရဟာ ယူကရိန်းကို စစ်ရေးအကူညီအဖြစ် အမေရိကန်ဒေါ်လာ ၆၄ ဘီလျံကူညီထောက်ပံ့ပေးဖို့ ကြိုးပမ်းနေပေမယ့် အောက်လွှတ်တော်ရဲ့ကန့်ကွက်မှုများနဲ့ရင်ဆိုင်နေရကြောင်းသိရပါတယ်။