ရောင်နီ (NSS) - မတ် ၂၇

တောင်ကိုရီယားအမျိုးသမီး K POP အဖွဲ့ Twice ရဲ့ အဖွဲ့ခေါင်းဆောင် ဂျီဟို ဟာ  Olympic skeleton ဆုရှင်၊ Physical: 100 Season 1 ပြိုင်ပွဲဝင်ယန်ဆန်ဘင်းနဲ့ date နေကြပြီဆိုတဲ့သတင်းတွေ ထွက်ပေါ်နေပါတယ်။ 

သူတို့နှစ်ယောက်ရဲ့ဆက်ဆံရေးဟာ လွန်ခဲ့တဲ့တစ်နှစ်လောက်က စတင်ခဲ့တာဖြစ်တယ်လို့ တောင်ကိုရီးယားမီဒီယာ Sway က တနင်္ဂနွေနေ့ (မတ် ၂၄ ရက်) မှာ ဖော်ပြခဲ့ပါတယ်။ ဒါ့အပြင် သူတို့နှစ်ယောက်ဟာ အသိမိတ်ဆွေတွေ အဖြစ် တစ်ယောက်နဲ့ တစ်ယောက်နဲ့တစ်ယောက် သိလာခဲ့ပြီး နှစ်ယောက်လုံးက လေ့ကျင့်ခန်းလုပ်ရတာကို နှစ်သက်တာကြောင့် ပိုရင်းနှီးခဲ့ကြတယ်လို့ ဆိုပါတယ်။ 

ဂျီဟို (အသက် ၂၇ နှစ်) နဲ့ ယန် (၂၉ နှစ်) တို့ဟာ တစ်ဦးနေအိမ်ကို တစ်ဦးအလည်အပတ်သွားရောက်လေ့လည်း ရှိတယ်လို့လည်း သိရပါတယ်။  ဂျီဟိုရဲ့ အေဂျင်စီ JYP Entertainment ကလည်း ဒီသတင်းနဲ့ပတ်သက်ပြီး ငြင်းဆို ခြင်း၊ အတည်ပြုခြင်း မရှိပါဘူး။ 

အလားတူပဲ ယန် ရဲ့အေဂျင်စီ All That Sports ကလည်း ဒါဟာကိုယ်ရေးကိုယ်တာကိစ္စဖြစ်တာကြောင့် အတည်ပြုဖို့ ခက်တယ်လို့ ဆိုပါတယ်။

ဂျီဟိုဟာ Twice အဖွဲ့ဝင်အဖြစ် ၂၀၁၅ ခုနှစ်က ပွဲဦးထွက်လာခဲ့တာဖြစ်ပြီး ယမန်နှစ်ကလည်း သူမရဲ့ ပထမဆုံး တစ်ကိုယ်တော် အယ်လ်ဘမ် Killin' Me Good ထွက်ရှိထားသူဖြစ်ပါတယ်။ ယန် ကတော့ တောင်ကိုရီးယားနိုင်ငံ national skeleton team ရဲ့ အဖွဲ့ဝင်ဟောင်းတစ်ဦးဖြစ်ပြီး ၂၀၁၈ ခုနှစ် ဆောင်းရာသီအိုလံပစ်ပြိုင်ပွဲမှာ ရွှေတံဆိပ် ဆွတ်ခူးနိုင်ခဲ့တဲ့ ပထမဆုံး အာရှသားလည်း ဖြစ်တယ်လို့ သိရပါတယ်။