ရောင်နီ (NSS) - မတ် ၂၅

တောင်ကိုရီးယား နံပါတ် ၁ အချမ်းသာဆုံး မင်းသားကင်ဆိုးဟွန်နဲ့ တွဲရိုက်ထားတဲ့ ဓာတ်ပုံတစ်ခုကို မင်းသမီး ကင်ဆေယွန်းက သူမရဲ့ Instagram story မှာ မတ်လ ၂၄ ရက်က တင်ခဲ့ခြင်းကြောင့်  ပရိသတ်တွေ သို့လော သို့လောဖြစ်ခဲ့ရပါတယ်။ 

အဆိုပါ story ကို တင်ပြီး ၃ မိနစ်အကြာမှာ ပြန်ဖျက်ခဲ့တာဖြစ်ပါတယ်။ ဒါပေမယ့် ပရိသတ်တွေကြား ပွဲဆူစေသလို ဖြစ်ခဲ့တာကြောင့် ကင်ဆိုးဟွန်ရဲ့ dating သတင်းနဲ့ပတ်သက်ပြီး သူ့ရဲ့အေဂျင်စီ GOLDMEDALIST က ထုတ်ပြန်စာ နဲ့အတူ ပြောကြားလာပါတယ်။ ထုတ်ပြန်စာပါ အကြောင်းအရာတွေကတော့  "မင်္ဂလာပါ၊ GOLDMEDALIST ဖြစ်ပါတယ်။ ဒီနေ့ ပျံ့နှံ့ခဲ့တဲ့ ကင်ဆိုးဟွန်ရဲ့ဓာတ်ပုံနဲ့ပတ်သက်ပြီး တရားဝင်ထုတ်ပြန်ချက်တစ်ခု ပြောကြား လိုပါ တယ်။ ကင်ဆိုးဟွန်နဲ့ ကင်ဆေယွန်း date နေကြတယ်ဆိုတဲ့ သတင်းဟာ ကောလဟာလတွေသာဖြစ်ပြီး အမှန်မဟုတ်ပါဘူး။ ဒီပုံဟာ ကင်ဆိုးဟွန်နဲ့ ကင်ဆေးယွန်တို့ ၂ ယောက်လုံး အေဂျင်စီမှာ ရှိနေစဉ် အတိတ်က ရိုက်ယူထားတဲ့ ပုံလို့ ယူဆရပြီး ကင်ဆေယွန်းရဲ့ ရည်ရွယ်ချက်ကို ကျွန်တော်တို့လည်း နားမလည်နိုင်ပါဘူး" လို့ ဆိုခဲ့ပါတယ်။ 

ဒါပေမယ့် မလိုအပ်ပဲ နားလည်မှုလွဲမှားမှုတွေနဲ့ အခြေအမြစ်မရှိတဲ့ ထင်ကြေးပေးမှုများ ပျံ့နှံ့စေပြီး  ဂုဏ်သရေ ထိခိုက်စေတဲ့အတွက် ပြင်းပြင်းထန်ထန်အရေးယူသွားမှာဖြစ်ပါတယ်" လို့ ထပ်လောင်းပြောကြားကာ ဖြေရှင်းခဲ့ပါ တယ်။ 

ကင်ဆိုးဟွန်ဟာ တောင်ကိုရီးယားမှာ နံပါတ် ၁ အချမ်းသာဆုံးနဲ့ အနုပညာကြေး အမြင့်ဆုံးမင်းသားတစ်လက် ဖစ်ပြီး အခုလတ်တလော ပြသနေတဲ့ နာမည်ကျော် "Queen of Tears" ဒရာမာဇာတ်လမ်းတွဲမှာ ပါဝင် သရုပ်ဆောင်ထားပါတယ်။ ကင်ဆေယွန်းကတော့ အရက်မူးပြီး ကားမောင်းခဲ့ခြင်းကြောင့် ယမန်နှစ်က အမှု ရင်ဆိုင်ခဲ့ရကာ အနုပညာအလုပ်တွေ ရပ်နားခဲ့ရသူဖြစ်ပြီး အခုသူမရဲ့လုပ်ရပ်ဟာ ပရိသတ်ရဲ့အာရုံစိုက်မှုကို ပြန်လည်ရရှိအောင် ကြိုးပမ်းနေခြင်း ဖြစ်မယ်လို့ ပရိသတ်တွေက မှတ်ချက်ပြုထားပါတယ်။