ရောင်နီ(NSS) - မတ် ၂၄

         မွန်းလွဲချိန်မှာ အရိပ်မထွက်တဲ့ ဖြစ်စဉ်ဟာ စင်ကာပူနိုင်ငံမှာ မတ်လ ၂၃ ရက်နေ့ မွန်းလွဲ ၁ နာရီ ၁၁ မိနစ်ခန့်က ဖြစ်ပွားခဲ့ပါတယ်။ 

      တုတ် သို့မဟုတ် ဝါးလုံး၊ လမ်းမီးတိုင်စတဲ့ အရာဝတ္တုတွေမှာတောင် အရိပ်ထင်ကျန်ခြင်း မရှိတဲ့ သဘာဝဖြစ်ရပ်တစ်ခုဖြစ်ခဲ့ခြင်းဖြစ်ပါတယ်။ 

ယင်းကြောင့် မတ်လ ၂၃ ရက်နေ့ကို Zero shadow day လို့ ခေါ်ခဲ့ပါတယ်။ ဒီဖြစ်စဉ်ဟာ နွေဦးရာသီစတင်ပြီး လေးရက်အကြာမှာ ဖြစ်ပေါ်လာခြင်းဖြစ်ပြီး နေနဲ့ ဆက်စပ်နေတဲ့ ကမ္ဘာရဲ့ အနေအထားကြောင့် ဖြစ်ပေါ်လာခြင်း ဖြစ်နိုင်တယ်လို့ ပညာရှင်တွေက မှတ်ချက်ပြုခဲ့ပါတယ်။ စင်္ကာပူဟာ အီကွေတာမျဉ်းကြောင်းပေါ်မှာ အတိအကျ မရှိတာကြောင့် ဒီလိုဖြစ်စဉ်မျိုး ရှိလာခြင်း ဖြစ်မယ်လို့ ကျွမ်းကျင်သူတွေက ဆိုပါတယ်။ Science Center Singapore မှ အကြီးတန်းသိပ္ပံပညာပေးဆရာ မန်ဝီလင်က အရိပ်မထင်တဲ့ နေ့အချိန် ဖြစ်စဉ်ဟာ Cancer ဂြိုလ် နဲ့ Capricorn ဂြိုလ်ကြား ကျရောက်တဲ့ အပူပိုင်းဒေသတွေမှာ တစ်နှစ်ကို နှစ်ကြိမ် ဖြစ်ပွားလေ့ရှိတယ်လို့ ဆိုပါတယ်။ 

        အခြား မလေးရှား၊ ဘရာဇီး၊ ဟာဝိုင်အီ၊ ထိုင်းနှင့် ဟောင်ကောင်တို့မှာလည်း ဒီလိုဖြစ်စဉ်မျိုး တွေ့ရလေ့ရှိတယ်လို့ သိရပါတယ်။