ဂျန်ဇက် (NSS) - မတ် ၂၁

အင်ဒိုနီးရှားရွေးကောက်ပွဲမှာအနိုင်ရခဲ့တဲ့ ပရာဘိုဝီက အင်ဒိုနီးရှားနိုင်ငံသားတွေ စုစည်းညီညွတ်ဖို့ တိုက်တွန်းတောင်းဆိုလိုက်ပါတယ်။

အင်ဒိုနီးရှားဗိုလ်ချုပ်ကြီးဟောင်းဖြစ်သလို အင်ဒိုနီးရှားကာကွယ်ရေးဝန်ကြီးအဖြစ် လက်ရှိတာဝန်ယူနေတဲ့ ပရာဘိုဝီဟာမတ်လ ၂၀ ရက်က တရားဝင်ထုတ်ပြန်ခဲ့တဲ့ ရလဒ်တွေမှာ မဲအများဆုံး ရရှိခဲ့ကြောင်းသိရပါတယ်။

ပရာဘိုဝီဟာ သမ္မတရွေးကောက်ပွဲမှာ မဲရလဒ်ပေါင်း အနည်းဆုံး ၆၀ နီးပါးရရှိခဲ့ပြီး Anies Baswedan ဆိုသူက ထောက်ခံမဲ ၂၅ ရာခိုင်နှုန်း နဲ့ ဂန်ဂျာပရာနိုဝီက ထောက်ခံမဲ ၁၆ ရာခိုင်နှုန်းရရှိခဲ့ကြောင်းသိရပါတယ်။ ပရာဘီုဝီ သမ္မတအဖြစ် ရွေးကောက်ခံရမှုတွေနဲ့ပတ်သက်ပြီး ဒီလအတွင်းမှာ ဆန့် ကျင်ဆန္ဒပြမှုတွေဖြစ်ပွားခဲ့ကြောင်းသိရပါတယ်။ ပရာဘိုဝီက ရွေးကောက်ပွဲက အဆင်ပြေချော့မွေစွာနဲ့ ပြီးဆုံးခဲ့ကြောင်း သိရပါတယ်။ ပရာဘိုဝီက "ကျွန်တော်တို့ဟာ ကြီးမားတဲ့ စိန်ခေါ်မှုတွေရှိနေတဲ့အတွက် စုစည်းညီညွတ်ဖို့ ဖိတ်ခေါ်ပါတယ်"လို့ ပြောပါတယ်။ ပရာဘိုဝီဟာ လာမယ့်အောက်တိုဘာမှာ အင်ဒိုနီးရှားလက်ရှိ သမ္မတဂျိုကိုဝီထံကနေ သမ္မတအာဏာကို လွှဲပြောင်းရယူသွားမယ်လို့သိရပါတယ်။ အမေရိကန်နိုင်ငံခြားရေးဝန်ကြီး အန်တိုနီဘလီကန်ဟာ ရွေးကောက်ပွဲမှာ အင်ဒိုနိးရှားကာကွယ်ရေးဝန်ကြီး အနိုင်ရခဲ့မှုအပေါ် ချီးကျူးဂုဏ်ပြုခဲ့ကြောင်းသိရပါတယ်။ ဒါပေမဲ့ အင်ဒိုနီးရှားအတိုက်ခံအုပ်စုတွေကတော့ အင်ဒိုနိးရှားသမ္မတ ဝီဒိုဒိုဟာ ကာကွယ်ရေးဝန်ကြီးဖြစ်သူ ပရာဘိုဝီကို မဲအနိုင်ရအောင် မဲမသမာမှုတွေ နဲ့ ကူညီပေးခဲ့တယ်လို့ပြောပါတယ်။