ရောင်နီ (NSS) - မတ် ၁၉

စင်ကာပူမှာ ပြုလုပ်တဲ့ ပေါ့စ်အဆိုတော် တေလာဆွစ်ဖ်ရဲ့ဖျော်ဖြေပွဲကို တရားမဝင် ဝင်ရောက်ခဲ့တဲ့ အမျိုးသား တစ်ဦးကို တနင်္လာနေ့ (မတ် ၁၈ ရက်) က ထောင်ဒဏ် နှစ်ပတ် ချမှတ်ခဲ့တယ်လို့ သိရပါတယ်။ 

အသက် ၂၀ နှစ်အရွယ် ရန်ရူချင် အမည်ရှိ အမျိုးသားဟာ ၂၀၂၄ ခုနှစ် မတ်လ ၇ ရက်က တေလာဆွဖ်ရဲ့ Singapore Eras Tour ဖျော်ဖြေပွဲအတွက် တရားဝင် လက်မှတ်ကိုင်ဆောင်ထားတယ်လို့ ဆိုကာ လုံခြုံရေးအရာရှိတွေကို လိမ်လည်ဖို့ ကြိုးပမ်းခဲ့ပါတယ်။  အဲဒီနောက် အမျိုးသားအားကစားပြိုင်ပွဲရုံရှေ၊ ကွေ့ပတ်ဂိတ်တစ်ခုမှ ဖြတ်သွားချိန် ရန်းဟာ လုံခြုံရေးအရာရှိတစ်ဦးကို အာရုံပြောင်းပြီး ပွဲထဲဝင်ဖို့ ကြိုးစားစဉ် ဖမ်းမိပြီး ချက်ခြင်း အပြင်ပြန်ထွက်လာ ခဲ့ရပါတယ်။ ၎င်းနဲ့အတူပါလာတဲ့ တရုတ်နိုင်ငံသား ဝူကျီဟောင် (အသက် ၅၄ နှစ်) ကလည်း ရန်မှာ တရားဝင် ဖျော်ဖြေပွဲလက်မှတ်ရှိကြောင်း လုံခြုံရေးအရာရှိတွေကို လိမ်လည်လှည့်ဖြားဖို့ ကြံရွယ်ချက်နဲ့ အပြစ်ရှိကြောင်း ဝန်ခံခဲ့ပါတယ်။ 

အမေရိကန်ပေါ့ပ်ကြယ်ပွင့် တေလာဆွစ်ဖ်ဟာ မတ်လအစောပိုင်းက The Eras Tour တစ်စိတ်တစ်ပိုင်းအဖြစ် စင်ကာပူအားကစားဌာနအတွင်းရှိ အမျိုးသားအားကစားကွင်းမှာ ဖျော်ဖြေပွဲ ခြောက်ရက် ပြုလုပ်ခဲ့ပါတယ်။  အဆိုပါ ဖျော်ဖြေပွဲလက်မှတ်များဟာ စတင်ရောင်းချပြီး ရှစ်နာရီအတွင်း ရောင်းကုန်သွားခဲ့လောက်အောင် အကြိတ် အနယ် ဝယ်ယူခဲ့ကြတာဖြစ်ပါတယ်။ ဒီဖျော်ဖြေပွဲမှာ လက်မှတ်အတုနဲ့ လိမ်လည်လှည့်ဖြား ဝင်ရောက်သူတွေ ရှိနေ တာကြောင့် ဖျော်ဖြေပွဲ ကျင်းပသူတွေက ပွံထဲဝင်ခွင့်မပေးခင်  လုံခြုံရေးစစ်ဆေးမှု နှစ်ကြိမ်ပြုလုပ်ခဲ့တယ်လို့ သိရပါတယ်။