NSS - မတ် ၁၄

ရခိုင်ပြည်နယ်၊ စစ်တွေမြို့နယ်၊ ‌ရွှေပြည်သာကျေးရွာရှိ စာသင် ကျောင်းဝန်းအတွင်း လက်နက်ကြီးကျည် ကျရောက်ပေါက်ကွဲခဲ့ကြောင်း နစကမှ မတ်လ(၁၃)ရက် ညပိုင်းတွင် ထုတ်ပြန်ထား သည်။

ဖြစ်စဥ်မှာ မတ်လ(၁၃)ရက်၊ နံနက်(၉)နာရီခွဲအချိန်ခန့်တွင် AA အကြမ်းဖက်များက ပုဏ္ဏားကျွန်းမြို့နယ်၊ ခမောင်းတောကျေးရွာဘက်မှ လက်နက်ကြီးများဖြင့် ပစ်ခတ်ခဲ့ရာ အဆိုပါလက်နက် ကြီးကျည်များသည် ကျေးတောရွာမအုပ်စုရှိ ရွှေပြည်သာကျေးရွာအတွင်းသို့ ကျရောက်‌ပေါက်ကွဲခဲ့ကြောင်း သိရသည်။

လက်နက်ကျည်များ ကျရောက်ပေါက်ကွဲမှုကြောင့် ကျေးရွာအတွင်းရှိ အခြေခံပညာမူလတန်း(လွန်) ကျောင်းဝန်းမှ စာသင်ဆောင်အဆောက်အအုံများ ပျက်စီးဆုံးရှုံးခဲ့ပြီး ထိခိုက်ဒဏ်ရာရရှိသူ မရှိကြောင်း နစကမှ ဆိုထားသည်။

အလားတူ ပြီးခဲ့သည့် မတ်လ(၁၁)ရက်တွင်လည်း ရခိုင်ပြည် နယ်၊ စစ်တွေမြို့နယ်၊ ပါဒလိပ်ကျေးရွာအတွင်းသို့ AA လက်နက် ကိုင်အဖွဲ့က လက်နက်ကြီးများဖြင့် ပစ်ခတ်မှုကြောင့် စာဖြေပြီးပြန်လာသည့် ကျောင်းသား/သူ နှစ်ဦး ဗုံးစထိမှန်ဒဏ်ရာများ ရရှိခဲ့သည်။