ရောင်နီ (NSS) - မတ် ၁၂         

ဗီဒီယိုဂိမ်းကုမ္ပဏီ Nintendo နဲ့ အမေရိကန် အန်နီမေးရှင်းစတူဒီယို Illumination တို့ ပူးပေါင်းပြီး စီးပွားရေး အောင်မြင်မှုတွေ ပြန်လည်ဖန်တီးဖို့ ကြိုးပမ်းမှုတစ်စိတ်တစ်ပိုင်းအနေနဲ့ Super Mario Bros ဗီဒီယို ဂိမ်းဇာတ်ကောင်တွေကို အခြေခံထားတဲ့ ရုပ်ရှင်တစ်ခုထွက်ရှိလာဖို့ ပြင်ဆင်နေပါတယ်။

ဇာတ်ကားသစ်ကို Illumination တည်ထောင်သူနဲ့ အမှုဆောင်အရာရှိချုပ် ခရစ်မဲလန်ဒန်ဒရီ၊ Nintendo ရဲ့ မူရင်း ဖန်တီးသူ ရှီဂီရူမီရာမိုတို တို့က ထုတ်လုပ်သွားမှာဖြစ်တယ်လို့ ကုမ္ပဏီတွေက မတ်လ ၁၀ ရက်နေ့မှာ သတင်း ထုတ်ပြန်ခဲ့ပါတယ်။ ဒီဇာတ်ကားကို ၂၀၂၆  ခုနှစ် ဧပြီလ ၃ ရက်နေ့မှာ ရုံတင်ပြသမှာ ဖြစ်တယ်လို့ သိရပါတယ်။ Nintendo ဟာ ၎င်းရဲ့နာမည်ကြီးဇာတ်ကောင်တွေကို TV ဖန်သားပြင်ပေါ်ပြန်လည်ယူဆောင်လာနိုင်ဖို့ ကြိုးစားနေ ပြီး ကုမ္ပဏီဟာ တစ်နှစ်ကို ရုပ်ရှင်တစ်ကား ဖန်တီးလိုတယ်လို့ မီရာမိုတို က ပြောခဲ့ပါတယ်။ 

အခုထုတ်လုပ်မယ့် ဇာတ်ကားကို ကမ္ဘာလုံးဆိုင်ရာလက်မှတ်ရောင်းချမှုမှာ အမေရိကန်ဒေါ်လာ ၁.၄ ဘီလျံ (စင်ကာပူဒေါ်လာ ၁.၈၆ ဘီလီယံ) နီးပါးရရှိခဲ့တဲ့ Super Mario Bros. Movie (2023) လိုပဲ ဝင်ငွေကောင်းဖို့ မျှော်လင့်ထားပါတယ်။ အဆိုပါဇာတ်ကားမှာ မက်သော်ဖိုဂဲလ်က ဇာတ်ညွှန်းရေးမှာဖြစ်ပြီး အာရန်ဟော်ဗက်နဲ့ မိုက်ကယ်ဂျယ်လ်နစ်တို့က ဒါရိုက်တာလုပ်မှာဖြစ်တယ်လို့ သိရပါတယ်။