ရောင်နီ(NSS) - မတ် ၉

         "The Little Mermaid" star ဟေလီဘေလီဟာ မကြာသေးခင်က သားဦးလေးတစ်ယောက်ကို မွေးဖွားခဲ့တာဖြစ်ပါတယ်။

    ကြာသပတေးနေ့ (မတ်လ ၇ ရက်) မှာတော့ သူမက ကိုယ်ဝန်ဆောင်ခြင်း လျှို့ဝှက်ထားခဲ့ရတဲ့အကြောင်းနဲ့ပတ်သက်ပြီး သူမက လူမည်းအမျိုး သမီးဖြစ်တဲ့အလျောက် စိန်ခေါ်မှုများစွာနဲ့ ရင်ဆိုင်နေရခြင်းကြောင့် ဒီလိုကိုယ်ရေးကိုယ်တာ ကိစ္စကို ဖုန်းကွယ်ထားရခြင်း ဖြစ်တယ်လို့ ဆိုပါတယ်။ သူမဟာ "The Little Mermaid " Disney ကာတွန်းရုပ်ရှင်ကို လူဗားရှင်းပြန်ရိုက်ရာမှာ ရေသူမလေး အေရီရယ်နေရာက ပါဝင်သရုပ်ဆောင်ခဲ့ပေမံါ သူမဟာ လူမည်းအမျိုးသမီး ဖြစ်တဲ့အတွက် ရေသူမ အေရီရယ်ဇာတ်ကောင်နဲ့ မလိုက်တဲ့အကြောင်း ဝေဖန်တိုက်ခိုက်မှုတွေ အများအပြား ရရှိခဲ့ပါတယ်။ 

သူမဟာ ဇန်နဝါရီလကမှ ချစ်သူ DDG နဲ့ ရရှိလာခဲ့တဲ့ သားဦးလေး Halo ကို ပရိသတ်ရှေ့ပြသလာခဲ့တာဖြစ်ပါတယ်။ ဒီကိုယ်ဝန်နဲ့ပတ်သက်ပြီး ပရိသတ်တွေကို ထုတ်ဖော်ပြောကြားခဲ့ခြင်းမရှိဘဲ ကလေးမွေးဖွားပြီးမှသာ ပရိသတ်ကို အသိပေးခဲ့ခြင်း ဖြစ်ပါတယ်။ သူမက "The Little Mermaid" ဟာ သူမရဲ့ အသက်မွေးဝမ်းကြောင်းကို ပြောင်းလဲစေခဲ့ပေမယ့် ဘဝရဲ့အကြီးမားဆုံးပျော်ရွှင်မှုကတော့ သူမရဲ့သားလေး Halo ကို မွေးဖွားနိုင်ခဲ့ခြင်း ဖြစ်တယ်လို့ ပြောကြားခဲ့ပါတယ်။ ဟေလီဟာ ၂၀၂၄  ခုနှစ် ဟောလိဝုဒ်ရှိ လူမည်းအမျိုးသမီးဆုပေးပွဲမှာ ဂုဏ်ထူးဆောင်ဆု ရရှိသူများထဲမှ တစ်ဦးဖြစ်ပါတယ်။