ရောင်နီ (NSS) - မတ် ၉

        အပြည်ပြည်ဆိုင်ရာ အမျိုးသမီးများနေ့ အထိမ်းအမှတ်အဖြစ် (သောကြာနေ့၊ မတ်လ ၈ ရက်) က စပိန်နိုင်ငံတစ်ဝှမ်းမှာ ထောင်နဲ့ချီတဲ့ အမျိုးသမီးတွေ ကျားမ မညီမျှမှုကို ဆန့်ကျင်တဲ့ ချီတက် ဆန္ဒပြမှုများ ပြုလုပ်ခဲ့ကြပါတယ်။

           အဆိုပါ ဆန္ဒပြမှုတွေနဲ့အတူ စပိန်နိုင်ငံရဲ့ ကျား၊ မ တန်းတူ ညီမျှရေးဝန်ကြီး အန်နာရီဒန်ဒိုက ပြီးခဲ့တဲ့နှစ် ဇူလိုင်လက အထွေထွေရွေးကောက်ပွဲမှာ အဆိုပြုခဲ့တဲ့ လူကုန်ကူးမှု ဥပဒေသစ်ကို ပြန်လည်အသက်သွင်းမယ်လို့  ကြေညာခဲ့ပါတယ်။ မဒရစ်မြို့မှာ အဖြူရောင်မျက်နှာဖုံးများ ဝတ်ဆင် ဆန္ဒပြခဲ့ကြပြီး အမျိုးသမီး လှုပ်ရှားမှု အရောင် အမှတ်အသားအဖြစ် ခရမ်းရောင် မီးရောင်များ ထွန်းညှိခဲ့ကြပါတယ်။ "ကျွန်မတို့ အမျိုးသမီးတွေ၊ တူညီတဲ့ အကျိုးကျေးဇူးတွေ မရရှိဘဲ အခြေခံ လိုအပ်ချက်တွေအတွက် ရုန်းကန်နေရလို့ ငြီးငွေ့နေပါပြီ”ဟု စိတ်ပညာရှင်တစ်ဦးဖြစ်တဲ့ နက်တာလီရာဟိုဖ်မန် အသက် ၃၄ နှစ် က ပြောပါတယ်။ 

ကျား၊ မ ခွဲခြားမှုတွေဟာ နိုင်ငံအသီးသီးမှာ အရင်ခေတ်တွေကလောက် မဆိုးဝါးတော့ပေမယ့် ယနေ့ထိတိုင် ခွဲခြားမှုတွေ ရှိနေဆဲပါပဲ။ သောကြာနေ့က စပိန်မြို့ကြီး ၄၀ မှာ ထောင်နဲ့ချီတဲ့ အမျိုးသမီးအုပ်စုများ စုဝေးဆန္ဒပြခဲ့ကြတာ ဖြစ်ပါတယ်။