Pika (NSS) - မတ် ၇ 

မြောက်ကိုရီးယားခေါင်းဆောင်ကင်ဂျုံအန်းသည် မတ်လ(၆)ရက်တွင် နိုင်ငံအနောက်ပိုင်းဒေသရှိ အဓိကစစ်စခန်း တစ်ခုတွင် တပ်ဖွဲ့ဝင်များ၏ ကွင်းဆင်းလေ့ကျင့်မှုများကို သွားရောက်ကြည့်ရှုစစ်ဆေးခဲ့ပြီး စစ်ပွဲအတွက် ပြင်ဆင်မှု များကို ပိုမိုတိုးမြှင့်လုပ်ဆောင်ရန် အမိန့်ပေးခဲ့ကြောင်း  KCNA သတင်းအေဂျင်စီက မတ်လ(၇)ရက်တွင် ရေးသား ဖော်ပြခဲ့သည်။

အမေရိကန် နှင့် တောင်ကိုရီးယားတပ်ဖွဲ့များသည် နှစ်စဉ်ပူးတွဲစစ်ရေးလေ့ကျင့်မှုများကို မတ်လ(၄)ရက်တွင် စတင် ခဲ့ပြီးနောက် ကင်ဂျုံအန်း၏ သွားရောက်လည်ပတ်မှု ခရီးစဉ်ထွက်ပေါ်လာခြင်းဖြစ်သည်။ သို့သော်လည်း အဆိုပါ စစ်စခန်း၏ နေရာကို အတိအကျဖော်ပြထားခြင်းမျိုး မရှိကြောင်းလည်း သိရသည်။ 

အမေရိကန် နှင့် တောင်ကိုရီးယားတို့၏ နှစ်စဉ်ပူးတွဲစစ်ရေးလေ့ကျင့်မှုတွင် တောင်ကိုရီးယားတပ်ဖွဲ့ဝင်အရေ အတွက်သည် ပြီးခဲ့သည့်နှစ်နှင့် နှိုင်းယှဉ်မည်ဆိုပါက နှစ်ဆတိုးလာကြောင်း သိရသည်။ မြောက်ကိုရီးယားစစ်တပ် သည် လက်ရှိအချိန်တွင် ဖြစ်ပွားနေသောအခြေအနေများ၏ လိုအပ်ချက်နှင့်အညီ စစ်ပွဲအတွက် ပြင်ဆင်မှုများကို ပိုမိုအရှိန်မြှင့်တင်ရန်လုပ်ဆောင်သင့်သည်ဟု ကင်ဂျုံအန်းက ပြောဆိုခဲ့ကြောင်း  KCNA သတင်းအေဂျင်စီက ရေးသားဖော်ပြခဲ့သည်။ 

ကင်ဂျုံအန်းက "ကျွန်တော်တို့ရဲ့စစ်တပ်ဟာ ပြီးပြည့်စုံတဲ့စစ်ပွဲပြင်ဆင်မှုတွေအတွက် တိုက်ခိုက်ရေးစွမ်းရည်တွေ ကို လျင်မြန်စွာ မြှင့်တင်ဖို့ရည်ရွယ်ထားတဲ့ စစ်ရေးလေ့ကျင့်မှုတွေကို အရှိန်မြှင့်လုပ်ဆောင်သင့်ပါတယ်" ဟု ပြောခဲ့သည်။

ထို့အပြင် စစ်ပွဲအတွက် လက်တွေ့စစ်ရေးလေ့ကျင့်မှုများ ပြုလုပ်နေသည့်တပ်ဖွဲ့ဝင်များကို ကြည့်ရှုစစ်ဆေးခဲ့ကြောင်း ကင်ဂျုံအန်းက ပြောခဲ့သည်။