ရောင်နီ (NSS) - မတ် ၆

အိန္ဒိယ ဘီလျံနာအမွေဆက်ခံသူ အာနက်အမ်ဘာနီရဲ့အကြိုမင်္ဂလာပွဲကို ဒိတ်ဒိတ်ကျဲသူဋ္ဌေးတွေဖြစ်ကြတဲ့ မာ့ခ်ဇူကာဘတ်၊ ဘီလ်ဂိတ်၊ အိုင်ဗန်ကာထရန့်နဲ့ ပေါ့စ်အဆိုတော် ရီဟားနား အပါအဝင် နာမည်ကျော်များက တက်ရောက်ဂုဏ်ပြု အားပေးခဲ့တယ်လို့ သိရပါတယ်။   

အဆိုပါအကြိုမင်္ဂလာပွဲကြီးဟာ ၃ ရက်တာ ကျင်းပခဲ့တာဖြစ်ပြီး တနင်္ဂနွေနေ့(မတ်လ ၃ ရက်) မှာ ပြီးဆုံးခဲ့တာ ဖြစ်ပါတယ်။ ပေါ့ပ်စူပါစတား ရီဟားနားနဲ့ ဒေးဗစ်ဘလိန်းတို့က ဒီ ၃ ရက်တာ အခမ်းအနားမှာ ဖျော်ဖြေ တင်ဆက်မှုများ ပြုလုပ်ခဲ့သလို Silicon Valley၊ Bollywood ၊ အခြားနိုင်ငံများမှ ခရစ်ကတ်အကျော်အမော် ဆာချင်တန်ဒူလ်ကာ၊  သရုပ်ဆောင် ရှာရက်ခမ်းတို့လည်း ဒီအခမ်းအနားကို တက်ရောက်ခဲ့ပါတယ်။ 

အမ်ဘာနီဟာ အာရှရဲ့အချမ်းသာဆုံး၊ ခန့်မှန်းခြေ ကြွယ်ဝချမ်းသာမှု ဒေါ်လာ ၁၁၇ ဘီလျံထိရှိတဲ့ သူ‌ဋ္ဌေးကြီး မူခက်ရှ်အမ်ဘိုနီရဲ့ အသက် ၂၈ နှစ်အရွယ် အငယ်ဆုံးသားဖြစ်ပြီး လက်ရှိ ၎င်းဟာ အဘိုးဖြစ်သူ တည်ထောင်ခဲ့တဲ့ အိန္ဒိယလုပ်ငန်းစုကြီး Reliance ရဲ့ စွမ်းအင်လုပ်ငန်းတစ်ခုမှာ ဒါရိုက်တာအဖြစ် တာဝန်ထမ်းဆောင်နေပါတယ်။

အာနက်အန်ဘာနီနဲ့ ၎င်းရဲ့အသက် ၂၉ နှစ်အရွယ် ချစ်သူ ရက်ဒီကာမာချန့်တို့ဟာ ဇူလိုင်လမှာ လက်ထပ်ဖို့ စီစဉ် ထားတာဖြစ်ပြီး အခုအကြိုမင်္ဂလာပွဲကိုလည်း ခမ်းနားထည်ဝါစွာ အကုန်အကျများစွာကျခံပြီး ကျင်းပပြုလုပ်ခဲ့ပါ တယ်။ အကြိုမင်္ဂလာပွဲဟာ Reliance ရဲ့ အဓိကရေနံချက်စက်ရုံအနီး အနောက်ဘက်ဂူဂျာရတ်ပြည်နယ်၊ ဂျန်နာဂါ မှာ ကျင်းပခဲ့တာဖြစ်ပါတယ်။