သုတကျော် (NSS) - မတ် ၂ 

 PDF များ၏ ခေါ်ဆောင်သွားခြင်းကို ခံခဲ့ရသည့် ကလေးတက္က သိုလ်မှ ဖြစ်စဉ်နှင့်ပတ်သက်၍ ခေါ်ဆောင်ခံရသူများအနက် တစ်ဦးအပါအဝင် ဖြစ်သူ အဆိုပါတက္ကသိုလ်၏ ပါမောက္ခချုပ် ဒေါက်တာ ယောဟန်ထွန်းက ခေါ် ဆောင်ခံရသူများ မကြာမီ ပြန်လွတ်မည်ဟုပြောသည့် ဗီဒီယိုဖိုင်တစ်ခု အွန်လိုင်းထက်တွင် ထွက်ပေါ်လာကြောင်း သိရသည်။ 

PDF  အင်အား ၁၀ဝ ကျော်က ကလေးတက္ကသိုလ်ရှိ စာသင်ဆောင်များမှ ဆရာ၊ ဆရာမများ၊ ကျောင်းသူ၊ ကျောင်းသားများ နှင့် ရုံးဝန်ထမ်းများကို  ဖမ်းဆီးခေါ်ဆောင်သွားခဲ့သော်လည်း တပ်မတော်နှင့် လုံခြုံရေး တပ်ဖွဲ့ဝင်များက စုစုပေါင်း ၂၈၅ ဦးကို အချိန်မီ ပြန်လည်ကယ်တင်နိုင်ခဲ့ပြီး အခြားသူများကို ဆက် လက် စုံစမ်းနေကြောင်း သိရသည်။ အဆိုပါ ဖြစ်စဉ်အပြီး ဖေဖော် ဝါရီလ ၂၉ ရက်တွင် ကလေးတက္ကသိုလ်မှ ပါမောက္ခချုပ် ဒေါက်တာယောဟန်ထွန်း ၏ ဗီဒီယိုဖိုင်ထွက်ပေါ်လာခြင်းဖြစ်ကာ အဆိုပါ ဗီဒီယိုဖိုင်ကို လေ့လာချက်အရ ပါမောက္ခချုပ်၏ မျက်နှာတွင် စိုးရိမ်နေသည့် အသွင်ကိုလည်း တွေ့မြင်ရသည်။ အဆိုပါ လုပ်ရပ်အပေါ် မြန်မာနိုင်ငံရှိ အဖွဲ့အစည်း အသီးသီးက ကန့်ကွက်ကြောင်း ထုတ်ပြန်ထားခြင်း လည်းရှိပြီး စိုးရိမ်မှုများလည်း ရှိနေသည်။ 

ကလေးတက္ကသိုလ်တွင် လုံခြုံရေးတပ်ဖွဲ့ တစ်ဖွဲ့ တပ်စွဲထားရှိပြီး အဆိုပါတပ်ဖွဲ့သည် တက္ကသိုလ် လုံခြုံရေးအတွက် ဆောင်ရွက်နေခြင်းဖြစ်ကာ ဖေဖော်ဝါရီလ ၂၆ ရက် နံနက်ပိုင်း ၄ နာရီခန့်က စတင်ကာ ထိတွေ့တိုက်ပွဲ ဖြစ်ပွားချိန်၌ ဇလပ်နီဆောင် အနီးတွင် ပစ်ခတ်မှုများသည့်အတွက် အပေါ်ထပ်မှ အောက်ထပ် ပြောင်းနေရန် ပြောကြားခဲ့ကြောင်း၊ ဝန်ထမ်းအိမ်ရာမှ မိသားစုများကိုလည်း ပုန်းခိုရန် òန်ကြားခဲ့ကာ တိုက်ပွဲပိုမိုပြင်း ထန်လာ ချိန်တွင် PDF များက အားလုံးကို ခေါ်ဆောင်သွားခဲ့ခြင်း ဖြစ်ကြောင်း ၎င်းက ပြောသည်။ 

“အထူးသဖြင့် ပြောကြားလိုတာက ကျွန်တော် တို့ရဲ့ ဝန်ထမ်းမိသားစုများ၊ ကျောင်းသူ၊ ကျောင်းသား များ အားလုံး သက်ဆိုင်ရာ မိသားစုများ၊ ဆွေမျိုးသား ချင်းများ စိတ်ပူနေမှာဖြစ်တဲ့အတွက် အားလုံးစိတ်မပူ ဖို့ ဒီနေရာကနေ ပြောကြားရခြင်းဖြစ်ပါတယ်။ အထူးသဖြင့် ဒီနေ့ မနက်ကစပြီး ကျောင်းသူတချို့ကို ပြန် လည်ပြီး ပို့ဆောင်ပေးတယ်ဆိုတာ သိရှိရပါတယ်။ ကျန်တဲ့သူတွေလည်း မကြာမီကာလမှာ ပြန်လည်ရောက်ရှိလာကြ မှာပါလို့ ပြောကြားလိုပါတယ်”ဟု ဒေါက်တာ ယောဟန်ထွန်းက ပြောကြားထားသည်။ 

   လက်ရှိတွင် ခေါ်ဆောင်ခံရသူများ အဆင်ပြေ ကြောင်းလည်း ပါမောက္ခချုပ်က ပြောကြားထားကာ ထိုသို့ပြောကြားမှုနှင့်ပတ် သက်၍ မိသားစုများ၏ စိတ်အတွင်း စိုးရိမ်မှုများ ရှိနေကြောင်းလည်း သိရသည်။