ရောင်နီ (NSS) - ဖေဖော်ဝါရီ ၂၆

Star Trek: Discovery မင်းသား ကန်နက်မစ်ချယ်လ်ဟာ အသက် ၄၉ နှစ်အရွယ်မှာပဲ amyotrophic lateral sclerosis (ALS) - အာရုံကြောရောဂါနဲ့  စနေနေ့ (ဖေဖော်ဝါရီ ၂၄ ရက်) မှာ ကွယ်လွန်သွားခဲ့ပြီဖြစ်တယ်လို့ သိရပါတယ်။ 

ဒီသတင်းကို ၎င်းရဲ့မိသားစုက လူမှုမီဒီယာအကောင့်မှာ တင်ကာ အတည်ပြုခဲ့တာဖြစ်ပါတယ်။ 

မစ်ချယ်လ်ဟာ အမေရိကန် ရုပ်ရှင်နဲ့ ရုပ်မြင်သံကြားရှိုးများစွာမှာ သရုပ်ဆောင်တစ်ဦးအဖြစ် လူသိများသူတစ်ဦးဖြစ်ပါတယ်။  

၎င်းကို Captain Marvel မှာလည်း Carol Danvers ရဲ့ ဖခင်အဖြစ် မြင်တွေ့ရပါတယ်။ 

Star Trek: Discovery ကတော့ ၎င်းကို လူသိအများဆုံးဖြစ်စေခဲ့တဲ့ ဇာတ်ကား ဖြစ်ခဲ့ပါတယ်။ 

ဒီဇာတ်ကားမှာ ၎င်းက  ဇနီးသည်၊ သား ၂ ယောက်နဲ့ အိမ်ထောင်ဦးစီး၊ သားသမီးတွေကို ကောင်းစွာ လမ်းညွှန်ဆုံးမတတ်တဲ့ ဖခင်ကောင်းအဖြစ် သရုပ်ဆောင်ထားတာ ဖြစ်ပါတယ်။       

မစ်ချယ်လ်ဟာ ၂၀၁၈ ခုနှစ် ကတည်းက ALS ရောဂါ စတင်ခံစားခဲ့ရတာဖြစ်ပြီး ၂၀၁၉ ခုနှစ်ကစ ဘီးတပ်ကုလားထိုင်ကို စတင်အသုံးပြုခဲ့ရပါတယ်။