ရောင်နီ (NSS) - ဖေဖော်ဝါရီ ၂၃ 

Super Bowl ချန်ပီယံ ထရာဗစ်ကလက်ဟာ ချစ်သူ တေလာဆွဖ် ရဲ့ Eras Tour မှာ အားပေးဖို့အတွက် ဖျော်ဖြေပွဲ မတိုင်မီ သြစတြေးလျနိုင်ငံ၊ ဆစ်ဒနီမြို့ကို ရောက်ရှိနေပြီဖြစ်တယ်လို့ သိရပါတယ်။ 

အသက် ၃၄ နှစ်အရွယ် ကလက်ဟာ ဒေသစံတော်ချိန် နံနက် ၉ နာရီခန့်က ဆစ်ဒနီမြို့မှာ ကိုယ်ပိုင်လေယာဉ်ပေါ်မှ ဆင်းလာတာကို မြင်တွေ့ခဲ့ရတယ်လို့ သြစတြေးလျ ရုပ်သံကွန်ရက် 9News က ကြာသပတေးနေ့ (ဖေဖော်ဝါရီ ၂၂ ရက်) မှာ ဖော်ပြခဲ့ပါတယ်။  

အဲဒီနေ့မတိုင်ခင် ဖေဖော်ဝါရီ ၂ဝ ရက်နေ့ကတော့ Kansas City Chiefs ကြယ်ပွင့် ကလက်ဟာ Wynn Las Vegas မှာ ဂေါက်ကစားနေခဲ့တာပါ။ ကလက်ဟာ ယခုနွေရာသီမှာ ချစ်သူတေလာဆွဖ်ကို အားပေးဖို့အတွက် ကမ္ဘာလှည့် ခရီးသွားဖြစ်မယ်လို့ ယူဆရတယ်လို့  သတင်းရင်းမြစ်တစ်ခုက ဆိုပါတယ်။ 

ဒါ့အပြင် ၎င်းတို့စုံတွဲဟာ မေလ ၉ ရက်မှာ ဥရောပတခွင် ခရီးထွက်ဖို့အစီအစဉ်တွေ ပြုလုပ်ထားတယ်လို့ သတင်းရင်းမြစ်တစ်ခုက ပြောကြားခဲ့ပါတယ်။ ကလက်ရဲ့ပွဲစဉ်တွေမှာ တေလာ လာရောက်အားပေးလေ့ရှိသလို တေလာရဲ့ဖျော်ဖြေပွဲတွေမှာလည်း ကလက်က တခုတ်တရ လာအားပေးလေ့ရှိတာ တွေ့ရပါတယ်။ 

လောဆွစ်ဖ်ဟာ ဖေဖော်ဝါရီ ၂၃ ရက်မှ ၂၆ ရက်အထိ ဆစ်ဒနီမြို့မှာရှိတဲ့ Accor အားကစားကွင်းမှာ ဖျော်ဖြေပွဲ ပြုလုပ်ဖို့ စီစဉ်ထားပါတယ်။