စော (NSS) - ဖေဖော်ဝါရီ ၂၁

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ဝန်ထမ်း(၁၅ဝ)ဦး ခေါ်ယူနေပြီး ဒေသခံတိုင်းရင်းသားများ ကို ဦးစားပေးခန့်အပ်သွားမည်ဖြစ်ကြောင်း သိရသည်။

အဆိုပါဝန်ကြီးဌာနက လက်ထောက်လူဝင်မှုကြီးကြပ်ရေးမှူး ရာထူးအတွက် အမျိုးသား (၁၂ဝ)ဦး နှင့် အမျိုးသမီး (၃၀)ဦး စုစုပေါင်း (၁၅၀)ဦးကို ခန့်အပ်သွားမည်ဖြစ်ပြီး တက္ကသိုလ်တစ်ခုခုမှ ဘွဲ့တစ်ခုခုရရှိရမည်ဖြစ်ကြောင်း သိရသည်။

အဆိုပါရာထူးနေရာလျှောက်ထားရာတွင် နယ်စပ်ဒေသ၌ တာဝန်ထမ်းဆောင်ရန်အတွက် ဒေသခံတိုင်းရင်းသား များကို ဦးစားပေး‌ရွေးချယ်သွားမည်ဖြစ်ကြောင်း သိရသည်။

ထို့ပြင် ဝန်ကြီးရုံး/ဦးစီးဌာနများတွင် တာဝန်ထမ်းဆောင်ရန်အတွက် ကွန်ပျူတာကျွမ်းကျင်သူများကို ဦးစားပေး ခေါ်ယူသွားမည်ဖြစ်ကြောင်း သိရသည်။

လျှောက်လွှာများကို ရှမ်းပြည်နယ်(မြောက်ပိုင်း)နှင့် ရှမ်းပြည်နယ် (အ‌ရှေ့ပိုင်း)၊ ဒုတိယပြည်နယ်ဦးစီးမှူးရုံး၊ ပြည်ထောင်စုနယ်မြေဦးစီးမှူးရုံး၊ တိုင်း၊ပြည်နယ်ဦးစီးမှူးရုံးများတို့တွင် ထုတ်ယူနိုင်ပြီး မတ်လ ၅ ရက်နေ့ နောက်ဆုံးထား၍  လူကိုယ်တိုင် လာရောက်လျှောက်ထားရမည်ဖြစ်ကြောင်း သိရသည်။