ကမ္ဘာကျော်လက်ဝှေ့သမား ပက်ကွီအိုရဲ့ အိုလံပစ်လက်ဝှေ့သမားပြိုင်ပွဲ ပါဝင်ယှဉ်ပြိုင်လိုတဲ့အိမ်မက် အဆုံးသတ်
ဂျန်ဇက် (NSS) - ဖေဖော်ဝါရီ ၁၉
ကမ္ဘာကျော် လက်ဝှေ့သမားတစ်ဦးဖြစ်တဲ့ပက်ကွီအိုရဲ့အိုလံပစ်ပြိုင်ပွဲ ပါဝင်ယှဉ်ပြိုင်ခွင့် အဆုံးသတ်သွားခဲ့ကြောင်း သိရပါတယ်။
ကမ္ဘာလက်ဝှေ့ချန်ပီယံဟောင်းဖြစ်တဲ့ ပက်ကွီအိုဟာ ဒီနှစ်အတွင်း ပြင်သစ်နိုင်ငံပဲရစ်မြို့မှာ ကျင်းပမယ့် အိုလံပစ် ပြိုင်ပွဲမှာ ပါဝင်ယှဉ်ပြိုင်ခွင့်ရဖို့ မျှော်လင့်ခဲ့ပေမယ့် နိုင်ငံတကာအိုလံပစ်ကော်မတီက ပက်ကွီအိုရဲ့အထူးတောင်းဆို ချက်တွေကို ငြင်းဆန်ပယ်ချခဲ့ကြောင်း သိရပါတယ်။
ပက်ကွီအိုဟာ အိုလံပစ်ပြိုင်ပွဲမှာ ပါဝင်ယှဉ်ပြိုင်ခွင့်ရဖို့ တောင်းဆိုခဲ့ပေမယ့် ငြင်းဆန်ပယ်ချခဲ့ပါတယ်။ အသက် ၄၅ နှစ်အရွယ်ရှိ ပက်ကွီအိုဟာ ၂ဝ၂၁ ခုနှစ် ကမ္ဘာ့လက်ဝှေ့လောကကနေ အနားယူပြီး ဖိလစ်ပိုင်သမ္မတ ရွေးကောက်ပွဲ ပါဝင်ယှဉ်ပြိုင်ဖို့ ကြိုးပမ်းခဲ့ပေမယ့်အောင်မြင်မှုမရခဲ့ကြောင်း သိရပါတယ်။
ပက်ကွီအိုက ၎င်းအနေနဲ့ အသက် ၄ဝ နှစ်အတွင်းမှာ အိုလံပစ်ပြိုင်ပွဲသာ ပါဝင်ယှဉ်ပြိုင်ခွင့်ပြုမယ့်ဆိုတဲ့အချက်ကို လေးစားလိုက်နာကြောင်း ပြောပါတယ်။ ပက်ကွီအိုက "ကျွန်တော်ဟာ အိုလံပစ်ပြိုင်ပွဲမှာ ပါဝင်ယှဉ်ပြိုင်ခွင့်ရမယ် ဆိုတဲ့ မျှော်လင့်ချက်အဆုံးသတ်သွားလို့ ဝမ်းနည်းစိတ်မကောင်းဖြစ်ရတယ်။ ကျွန်တော်အနေနဲ့ အသက် ကန့်သတ် ချက်ကိုနားလည်သလို လက်ခံပါတယ်" လို့ ပြောပါတယ်။
ဖိလစ်ပိုင်နိုင်ငံသား ပက်ကွီအိုဟာ ကမ္ဘာလက်ဝှေ့ပြိုင်ပွဲတွေမှာ မတူညီတဲ့ ဝိတ်တန်း ၈ ခုကို ကမ္ဘာချန်ပီယံဆုတွေ ရယူနိုင်ခဲ့သူဖြစ်ကြောင်း သိရပါတယ်။ ပက်ကွီအိုဟာ ကမ္ဘာကျော်လက်ဝှေ့သမားတစ်ဦးဖြစ်ပေမယ့် သူရဲ့လက်ဝှေ့ သမားဘဝအတွင်း အိုလံပစ်ပြိုင်ပွဲ ပါဝင်ယှဉ်ပြိုင်ဖူးတဲ့အတွေ့အကြုံမျိုး မရှိခဲ့ကြောင်း သိရပါတယ်။
ပက်ကွီအိုဟာ အိုလံပစ်ပြိုင်ပွဲမှာ ပါဝင်ယှဉ်ပြိုင်ခွင့်မရပေမယ့် အိုလံပစ်ပြိုင်ပွဲပါဝင်ယှဉ်ပြိုင်မယ့် ဖိလစ်ပိုင်လက်ဝှေ့ သမားတွေနဲ့ အားကစားသမားတွေကို ကူညီထောက်ပံ့ပေးသွားမှာဖြစ်ကြောင်း ပြောပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
BRICS အဖွဲ့ဝင်နိုင်ငံများတွင် သန်းကြွယ်သူဋ္ဌေး အရေအတွက် (၈၅) ရာခိုင်နှုန်းထိ တိုးလာနိုင်ကြောင်း အစီရင်ခံစာတစ်ခုတွင် ဖော်ပြ
RELATED POSTS
08 Nov 2024 | အားကစား,ပြည်တွင်း
